शुक्रबार दिउँसो करिब १ बजे धनगढीबाट पुनर्वासतर्फ आउँदै गरेको बा.प्र. ०१–०३४ च ४७६७ नम्बरको ग्ली एकेडेमी स्कुल (धनगढी–४) को भ्यानले विपरीत दिशाबाट धनगढीतर्फ जाँदै गरेको सु.प.प्र. ०१–०११ प ३९३ नम्बरको मोटरसाइकललाई ठक्कर दिएको हो।

दुर्घटनामा मोटरसाइकल चालक पुनर्वास नगरपालिका–४ निवासी अन्दाजी ४० वर्षीय बसन्त भट्टराई घाइते भएका छन्। मोटरसाइकलको पछाडि पुनर्वास नगरपालिका–६ निवासी अन्दाजी २२–२३ वर्षीय प्रदीप कार्की सवार थिए। घाइते भट्टराईलाई उपचारका लागि धनगढीस्थित माया मेट्रो अस्पताल पठाइएको छ। उनको स्वास्थ्य अवस्थाबारे थप विवरण आउन बाँकी रहेको छ।

प्रहरीका अनुसार स्कुल भ्यान धनगढी–४ स्थित ग्ली एकेडेमीको हो भने चालक धनगढी उपमहानगरपालिका–११ निवासी २१ वर्षीय मिलन चौधरी रहेका छन्। घटनाबारे थप अनुसन्धान भइरहेको प्रहरीले जनाएको छ।

यस दुर्घटनापछि निजी विद्यालयका सवारी साधनको सुरक्षा व्यवस्थापन र नियमनमाथि स्थानीयवासीले गम्भीर प्रश्न उठाएका छन्। अभिभावकबाट चर्को सवारी शुल्क असुल्ने तर धेरैजसो विद्यालयका भ्यान तथा बसमा सहचालक (खलासी) नराख्ने, क्षमता भन्दा बढी विद्यार्थी बोक्ने, सवारी सुरक्षाका मापदण्ड पूर्ण रूपमा पालना नगर्ने र नियमित अनुगमनको अभाव रहेको भन्दै स्थानीयले चिन्ता व्यक्त गरेका छन्।

स्थानीयको भनाइमा यस्ता लापरवाहीका कारण वर्षेनी सडक दुर्घटना हुने र सर्वसाधारण तथा विद्यार्थीको ज्यान जोखिममा पर्ने अवस्था दोहोरिँदै आएको छ। उनीहरूले विद्यालयका सवारी साधनमा अनिवार्य सुरक्षा मापदण्ड लागू गर्न, नियमित अनुगमन गर्न तथा नियम उल्लङ्घन गर्ने विद्यालय र सवारी सञ्चालकमाथि कडा कानुनी कारबाही गर्न सम्बन्धित निकायसँग माग गरेका छन्।

सडक सुरक्षा सबैको साझा जिम्मेवारी भएकाले विद्यालय, चालक, अभिभावक र नियामक निकायले आफ्नो जिम्मेवारी इमान्दारीपूर्वक निर्वाह गरे मात्र यस्ता दुर्घटना न्यूनीकरण गर्न सकिने स्थानीयको भनाइ छ।

लेखकको बारेमा

पत्र नेपाल

थप आर्टिकलहरु :

• कार्तिक ७, २०८३समाचारसूचनाको हकका लागि राष्ट्रिय महासंघका जिल्ला अधिवेशन कार्तिक मसान्तभित्र, प्रदेश अधिवेशन मंसिर १५ सम्म
• अशोज ३०, २०८३Blogवीरबहादुर थापाद्वारा सुदूरपश्चिम प्रदेशसभा सदस्यबाट राजीनामा
• अशोज २९, २०८३शिक्षा
• अशोज २८, २०८३समाचारमहाकालीमा वेपत्ता सशस्त्रका असई सागरको शव फेला