कञ्चनपुर

सुदूरपश्चिमेली नेपाली समाज भारत केन्द्रीय समितिद्वारा जेन्जी आन्दोलनका क्रममा क्षति बेहोरेका गोदावरी नगरपालिका र पुनर्वास नगरपालिका लाई एक–एक थान प्रिन्टर हस्तान्तरण गरिएको छ। आन्दोलनका कारण प्रशासनिक कार्य प्रभावित बनेको अवस्थालाई सामान्य बनाउन सहयोग स्वरूप उक्त सामग्री प्रदान गरिएको हो।

सहयोग हस्तान्तरण कार्यक्रममा समाजका अन्तर्राष्ट्रिय समिति सचिव डम्बर खडका, संरक्षक दीपक प्रकाश मल्ल, अध्यक्ष महादेव भट्ट, दिल्ली राज्य सदस्य लक्ष्मीचन्द, समाजसेवी तथा व्यवसायी अम्मर सिंह ठकुरी, समाज उपाध्यक्ष लालबहादुर खडका, शिक्षक नवराज ओझा लगायतको उपस्थिति रहेको थियो।

दुई नगरपालिका प्रमुखहरूले यस कठिन परिस्थितिमा गरिएको सहयोगले स्थानीय तहको सेवा प्रवाह सहज बनाउन महत्वपूर्ण योगदान पुग्ने भन्दै आभार व्यक्त गर्नुभयो।

हालै २३ र २४ गते जनजन आन्दोलनका क्रममा विभिन्न स्थानमा सरकारी तथा सामुदायिक संरचनामा क्षति पुगेपछि प्रभावित क्षेत्रका स्थानीय तह, विद्यालय, कार्यालय तथा समुदायलाई सहयोगका पहलहरू भइरहेको छ। विभिन्न संघ–संस्थाहरू, सामाजिक अभियन्ता तथा विदेशमा रहेका नेपाली समुदायले राहत र उपकरण सहयोगमार्फत स्थानीय प्रशासन तथा जनताको साथमा उभिएको देखिएको छ।

त्यसैगरी सहयोग उपलब्ध गराउने सहयोगदाता तथा सुदूरपश्चिमेली नेपाली समाज सम्पूर्ण टिमलाई पुनर्वास नगरपालिका प्रमुख तोय प्रसाद शर्मा, उपप्रमुख, प्रमुख प्रशासकीय अधिकृत तथा जनप्रतिनिधिहरूको तर्फबाट हार्दिक धन्यवाद दिइएको छ। नगरपालिकाले जनजीवन सामान्यीकरण र सेवा प्रवाहमा सहयोग पु¥याउने सम्पूर्ण पक्षप्रति कृतज्ञता व्यक्त गर्दै आगामी दिनमा पनि आपसी एकता, सामुदायिक सहकार्य र उदारताको भावना साथै समन्वय विस्तार गर्दै अघि बढ्ने प्रतिबद्धता व्यक्त गरेको छ।

सुदूरपश्चिमेली नेपाली समाज नेपाल शाखाले निरन्तर सामाजिक सहयोग अभियान सञ्चालन गर्दै आएका छन्। समाजले संकटका बेला समुदायको साथमा उभिनु प्रत्येक नेपालीको कर्तव्य असल्यमा जोड दिंदै आगामी दिनमा पनि राहत तथा पुनःस्थापना कार्यमा सहयोग जारी रहने जनाएको छ।

लेखकको बारेमा

पत्र नेपाल

थप आर्टिकलहरु :

• साउन १२, २०८३समाचारभजनीमा नेरुडे मिर्मिरे लघुवित्तद्वारा मृतक सदस्य परिवारलाई क्रियाखर्च सहयोग
• साउन १, २०८३शिक्षास्कुल भ्यानको ठक्करबाट मोटरसाइकल चालक घाइते, निजी विद्यालयका सवारी व्यवस्थापनमाथि प्रश्न
• असार २७, २०८३कलापुनर्वास नगरपालिकामा न्यायमा पहुँच अभिवृद्धि परियोजनाअन्तर्गत नागरिक सहायता कक्ष सुदृढीकरण तथा कानुनी सचेतना कार्यक्रम सम्पन्न
• असार ८, २०८३खेलकुदवडा सदस्य लागुऔषधसहित पक्राउ