सब–इन्जिनियर लालमन तामाङ र क्याप्टेन (से.नि.) जिनबहादुर तामाङको संयोजनमा च्याम्पियन खेलाडी सम्मानित

पुनर्वास, कञ्चनपुर । सब–इन्जिनियर लालमन तामाङ र क्याप्टेन (से.नि.) जिनबहादुर तामाङको संयोजनमा च्याम्पियन खेलाडी सम्मानित आयोजित ‘अन्डर–१४ सुदूरपश्चिम प्रदेशस्तरीय छात्रा फुटबल प्रतियोगिता’ मा च्याम्पियन बनेका पुनर्वासका खेलाडीहरूलाई भव्य समारोहका बीच सम्मान गरिएको छ।

पुनर्वास नगरपालिकाका सब–इन्जिनियर लालमन तामाङ र विशिष्ट अतिथि एवं भारतीय सेनाका सेवानिवृत्त क्याप्टेन (से.नि.) जिनबहादुर तामाङको संयुक्त संयोजन तथा आर्थिक सहयोगमा फागु पूर्णिमाको अवसर पारेर सम्मान कार्यक्रम सम्पन्न गरिएको हो।

कञ्चनपुर जिल्ला फुटबल संघका उपाध्यक्ष दाउत तामाङको प्रमुख आतिथ्यमा सम्पन्न कार्यक्रममा वडा नं. ३ का उत्कृष्ट खेलाडीहरू—मेहारीका तामाङ, रेचल तामाङ, आरसी वि.क. र सन्सु वि.सी.—लाई खादा, माला तथा प्रशंसापत्रसहित सम्मान गरिएको थियो।

प्रमुख अतिथि दाउत तामाङले सीमित स्रोत–साधनका बाबजुद खेलाडीहरूले प्रदेशस्तरमा प्रथम स्थान हासिल गरी जिल्लाको गौरव बढाएको उल्लेख गर्नुभयो। उहाँले प्रशिक्षक हिमाल मल्ल र अभिभावकहरूको योगदान प्रशंसनीय रहेको बताउँदै यस्ता सम्मान कार्यक्रमले खेलाडीहरूमा थप हौसला र आत्मविश्वास वृद्धि गर्ने धारणा व्यक्त गर्नुभयो।

सब–इन्जिनियर लालमन तामाङले भौतिक पूर्वाधार विकाससँगै खेलकुद र मानवीय क्षमताको विकासलाई पनि प्राथमिकता दिनुपर्ने आवश्यकता औँल्याउनुभयो। उहाँले पुनर्वासका साना खेलाडीहरूको उपलब्धि सम्पूर्ण नगरवासीका लागि गर्वको विषय भएको उल्लेख गर्दै आगामी दिनमा खेलकुद क्षेत्रको उन्नतिका लागि निरन्तर सहयोग गर्ने प्रतिबद्धता जनाउनुभयो।

विशिष्ट अतिथि क्याप्टेन (से.नि.) जिनबहादुर तामाङले अनुशासन, मेहनत र लगनशीलताले मात्र खेल क्षेत्रमा सफलता हासिल गर्न सकिने बताउनुभयो। सेवानिवृत्त जीवनपछि पनि सामाजिक तथा खेलकुद क्षेत्रमा योगदान गर्न पाएकोमा खुशी व्यक्त गर्दै उहाँले उचित मार्गदर्शन र अवसर पाएमा यी खेलाडीहरू भविष्यमा राष्ट्रिय तथा अन्तर्राष्ट्रिय स्तरमा उत्कृष्ट प्रदर्शन गर्न सक्षम हुने विश्वास व्यक्त गर्नुभयो।

पछिल्लो समय पुनर्वास नगरपालिका फुटबल गतिविधिको प्रमुख केन्द्र बन्दै गएको छ। प्रशिक्षक हिमाल मल्लको नियमित प्रशिक्षण र स्थानीय खेलप्रेमीहरूको सक्रियताले गाउँ–गाउँबाट प्रतिभाशाली खेलाडी उत्पादन भइरहेका छन्। कार्यक्रममा सहभागीहरूले खेलाडीहरूको उज्ज्वल भविष्यको कामना गर्दै खेलकुद क्षेत्रलाई अझ सुदृढ र व्यवस्थित बनाउने प्रतिबद्धता व्यक्त गरेका छन्।

लेखकको बारेमा

पत्र नेपाल

थप आर्टिकलहरु :

• चैत्र २९, २०८२कलाहेभेन पर्ल बर्ड एकेडेमीको १६औँ वार्षिक उत्सव तथा नतिजा प्रकाशन कार्यक्रम सम्पन्न
• चैत्र २३, २०८२शिक्षासमाजसेवी शिव बिष्टद्वारा बुवा–आमाको सम्मानमा पुनर्वास का १४ विद्यालयमा अक्षयकोष स्थापना
• चैत्र २२, २०८२शिक्षाशिक्षक बिमल चन्द मृत अवस्थामा फेला, घटनाबारे अनुसन्धान जारी
• चैत्र २०, २०८२कलालालझाडीमा ७ दिने योग शिक्षक प्रशिक्षण कार्यक्रम सम्पन्न