कञ्चनपुर — नेपाली कांग्रेस पुनर्वास नगर समितिको सचिव पदमा केशव सार्की सर्वसम्मत निर्वाचित भएका छन्। उनी नेपाली कांग्रेसको कार्यकारी पदाधिकारीमा नेतृत्व गर्ने दलित समुदायबाट पहिलो व्यक्ति बनेका छन्।

सार्कीले २०७४ सालदेखि नेकपा एमालेको भ्रातृ संगठन अनेरास्ववियुको राजनीति परित्याग गरी नेपाली कांग्रेसबाट आफ्नो राजनीतिक यात्रा सुरु गरेका हुन्। कांग्रेसको साधारण सदस्य हुँदै क्रियाशील सदस्य बनेका उनी १४औँ महाधिवेशनमा नेपाली कांग्रेस कञ्चनपुर क्षेत्र नं. १, प्रतिनिधिसभा ‘क’ का सहसचिवसमेत निर्वाचित भएका थिए।

हाल सार्की पुनर्वास नगरपालिका–७ बाट निर्वाचित वडासदस्यका रूपमा कार्यरत छन्। उनी नगरपालिकाको न्यायिक समितिमा समेत जिम्मेवारी सम्हाल्दै आएका छन्।

युवा नेता सार्कीले पुनर्वासमा पुराना राजनीतिक दलप्रति जनतामा वितृष्णा बढ्दै गएको अवस्थामा सबै जाति, समुदाय र युवालाई लक्षित कार्यक्रममार्फत संगठन विस्तार गर्ने बताएका छन्। गाउँ, टोल र समुदायस्तरमा सामाजिक अभियान सञ्चालन गर्दै पार्टी संगठनलाई थप सुदृढ बनाउने उनको भनाइ छ।

सार्कीले नेपाली कांग्रेसप्रति दलित समुदायमा रहेको भ्रम चिर्दै उनीहरूलाई पार्टीसँग जोड्ने र समुदाय लक्षित गतिविधिलाई प्राथमिकताका साथ अघि बढाउने आफ्नो लक्ष्य रहेको बताएका छन्।

लेखकको बारेमा

पत्र नेपाल

थप आर्टिकलहरु :

• कार्तिक ७, २०८३समाचारसूचनाको हकका लागि राष्ट्रिय महासंघका जिल्ला अधिवेशन कार्तिक मसान्तभित्र, प्रदेश अधिवेशन मंसिर १५ सम्म
• अशोज ३०, २०८३Blogवीरबहादुर थापाद्वारा सुदूरपश्चिम प्रदेशसभा सदस्यबाट राजीनामा
• अशोज २९, २०८३शिक्षा
• अशोज २८, २०८३समाचारमहाकालीमा वेपत्ता सशस्त्रका असई सागरको शव फेला