श्री सरस्वती माध्यमिक विद्यालय, छोटी पर्सियामा नयाँ व्यवस्थापन समिति गठन, गुणस्तरीय शिक्षामा जोड

कञ्चनपुर — लालझाडी गाउँपालिका वडा नं. ३ स्थित श्री सरस्वती माध्यमिक विद्यालय, छोटी पर्सियामा विद्यालय व्यवस्थापन समिति गठन गरिएको छ। आयोजित आम भेलामा स्थानीय जनसमुदायको उल्लेखनीय सहभागिता रहेको थियो। कार्यक्रममा समाजसेवी, बुद्धिजीवी, खेलप्रेमी, शिक्षाप्रेमी, जनप्रतिनिधि तथा विभिन्न संघ–संस्थाका प्रतिनिधिहरूको सक्रिय उपस्थिति रहेको थियो।

नवगठित समितिको अध्यक्षमा पृथी राना चयन भएका छन्। सदस्यहरूमा मिना चौधरी, मोहन राना, भागरथी भट्ट, शान्ति चौधरी, राम प्यारी चौधरी रहेका छन् भने वडा अध्यक्ष टिकाराम डंगौरा, शिक्षक प्रतिनिधि वीरबहादुर केसी र पूर्व विव्यस अध्यक्ष विश्राम चौधरी समेत समितिमा आवद्ध छन्।

कार्यक्रम लालझाडी गाउँपालिकाको शिक्षा, युवा तथा खेलकुद शाखाका प्रमुख सिद्धराज भट्टको प्रमुख आतिथ्यतामा सम्पन्न भएको थियो।

आम भेलाबाट गठन भएको नयाँ समितिले विद्यालयको गुणस्तरीय शिक्षा अभिवृद्धि, भौतिक पूर्वाधार विकास, खेलकुद क्षेत्रको प्रवर्द्धन, बालबालिकामा नैतिकता र इमान्दारिता विकास जस्ता विषयलाई प्राथमिकतामा राख्ने जनाएको छ। साथै, बालविकास, बाल क्लब, सांस्कृतिक कार्यक्रम लगायतका गतिविधिहरूलाई सशक्त बनाउँदै विद्यालयलाई नमुना शिक्षण संस्थाको रूपमा विकास गर्ने रणनीति अघि बढाइने बताइएको छ।

विद्यालयले यसअघि पनि विभिन्न शैक्षिक तथा खेलकुद गतिविधिहरूमा उत्कृष्ट प्रदर्शन गर्दै आएको उल्लेख गर्दै आगामी दिनमा अझ उत्कृष्ट नतिजा हासिल गर्ने लक्ष्य राखिएको छ।

विद्यालयका प्रधानाध्यापक तारामणि न्यौपानेले नवगठित समितिले निस्वार्थ भावनाका साथ काम गर्दै शिक्षा क्षेत्रलाई पवित्र ‘शिक्षा मन्दिर’का रूपमा विकास गर्न महत्वपूर्ण भूमिका खेल्ने विश्वास व्यक्त गर्नुभयो। साथै, उहाँले यस भेलामा अभिभावकका रूपमा सहभागी सम्पूर्णलाई धन्यवाद दिँदै नवगठित समितिका पदाधिकारीहरूलाई सफल कार्यकालको शुभकामना समेत व्यक्त गर्नुभयो। साथै गुणस्तरीय शिक्षा प्रदान गर्दै विद्यालयलाई छुट्टै पहिचान दिलाउने दिशामा सबै पक्ष एकजुट भएर अगाडि बढ्ने प्रतिबद्धता व्यक्त गरिएको छ।

लेखकको बारेमा

पत्र नेपाल

थप आर्टिकलहरु :

• कार्तिक ७, २०८३समाचारसूचनाको हकका लागि राष्ट्रिय महासंघका जिल्ला अधिवेशन कार्तिक मसान्तभित्र, प्रदेश अधिवेशन मंसिर १५ सम्म
• अशोज ३०, २०८३Blogवीरबहादुर थापाद्वारा सुदूरपश्चिम प्रदेशसभा सदस्यबाट राजीनामा
• अशोज २९, २०८३शिक्षा
• अशोज २८, २०८३समाचारमहाकालीमा वेपत्ता सशस्त्रका असई सागरको शव फेला