न्यु वीरेन्द्र युवा क्लबद्वारा सञ्चालित पाँचौँ “द फोर्स कप” फुटबल प्रतियोगिताको उद्घाटन सम्पन्न

कञ्चनपुरको पुनर्वासमा न्यु वीरेन्द्र युवा क्लबद्वारा सञ्चालित पाँचौँ संस्करणको “द फोर्स कप” खुला फुटबल प्रतियोगिताको उद्घाटन समारोह भव्य रूपमा सम्पन्न भएको छ।

कार्यक्रम न्यु वीरेन्द्र युवा क्लबका अध्यक्ष कान्छा लामा तामाङको सभापतित्वमा सम्पन्न भएको थियो भने पुनर्वास नगरपालिकाका नगर प्रमुख तोया प्रसाद शर्मा प्रमुख अतिथिका रूपमा उपस्थित रहनुभएको थियो।

विशिष्ट अतिथिका रूपमा पुनर्वास उपशाखा रेडक्रस सोसाइटीका सभापति कृष्णबहादुर तामाङ, अतिथिहरूमा जनशक्ति आधारभूत विद्यालय व्यवस्थापन समितिका अध्यक्ष शुक बहादुर तामाङ तथा इलाका प्रहरी कार्यालय पुनर्वास इलाका प्रहरी कार्यालय त्रिभुवबस्ती का प्रहरी प्रमुख लोकेन्द्रबहादुर कार्कीको उपस्थिति रहेको थियो। साथै बुद्धिजीवी, समाजसेवी, पत्रकार, खेलप्रेमी तथा स्थानीय बासिन्दाहरूको उल्लेख्य उपस्थिति रहेको थियो।

उद्घाटन कार्यक्रमलाई सम्बोधन गर्दै प्रमुख अतिथि नगर प्रमुख शर्माले विगत पाँच वर्षदेखि मर्यादित र अनुशासित ढंगले प्रतियोगिता आयोजना गर्दै आएको न्यु वीरेन्द्र युवा क्लबको प्रशंसा गर्दै यस प्रतियोगिताले क्षेत्रका लुकेका खेल प्रतिभालाई नगर, जिल्ला, प्रदेश हुँदै राष्ट्रस्तरसम्म चिनाउन महत्वपूर्ण भूमिका खेलेको बताउनुभयो। उहाँले प्रतियोगिताको सफलताका लागि शुभकामना दिँदै सहयोग गर्ने सबै निकायप्रति धन्यवाद व्यक्त गर्नुभयो।

विशिष्ट अतिथि कृष्णबहादुर तामाङले प्रतियोगिता सभ्य र अनुशासित ढंगले सम्पन्न हुने विश्वास व्यक्त गर्दै सहभागी सम्पूर्ण खेलाडी तथा आयोजक टिमलाई शुभकामना दिनुभयो।

त्यसैगरी अतिथि शुकबहादुर तामाङले बाहिरबाट आउने खेलाडीहरूलाई आफ्नै घरआँगनमा आएको अनुभूति दिलाउँदै मर्यादापूर्ण व्यवहार गरिने विश्वास व्यक्त गर्नुभयो। इलाका प्रहरी कार्यालयका प्रमुख लोकेन्द्रबहादुर कार्कीले शान्ति र सुरक्षाको प्रत्याभूति गर्दै खेलाडी राष्ट्रका गहना भएको उल्लेख गर्नुभयो।

उद्घाटन समारोहपछि भेट्रान (Veteran) मैत्रीपूर्ण फुटबल खेल सम्पन्न भएको थियो। खेलमा पूर्णवास–३ राम युवा क्लबको भेट्रान टिमले आयोजक न्यु वीरेन्द्र युवा क्लबलाई ३–२ गोल अन्तरले पराजित गरेको थियो।

क्लबका अध्यक्ष कान्छा लामा तामाङका अनुसार प्रतियोगितामा १८ टिमको सहभागिता रहेको छ। माघ २६ गतेदेखि सुरु भएको प्रतियोगिता फागुन ९ गतेसम्म सञ्चालन हुनेछ।

न्यु वीरेन्द्र युवा क्लबका पूर्व खेलाडी तथा संरक्षक बुद्धिबहादुर तामाङले प्रतियोगिताले भाइचारा, भेटघाट र स्वास्थ्यका लागि महत्वपूर्ण योगदान पुर्‍याउने बताउँदै सबै पक्षबाट सहयोग गर्न अपिल गर्नुभयो।

“विकास, गतिशीलता र अनुशासन” भन्ने मूल नाराका साथ आयोजना गरिएको प्रतियोगिताले पुनर्वास क्षेत्रमा फुटबलको छुट्टै पहिचान बनाउँदै आएको आयोजकको विश्वास छ।

लेखकको बारेमा

पत्र नेपाल

थप आर्टिकलहरु :

• कार्तिक ७, २०८३समाचारसूचनाको हकका लागि राष्ट्रिय महासंघका जिल्ला अधिवेशन कार्तिक मसान्तभित्र, प्रदेश अधिवेशन मंसिर १५ सम्म
• अशोज ३०, २०८३Blogवीरबहादुर थापाद्वारा सुदूरपश्चिम प्रदेशसभा सदस्यबाट राजीनामा
• अशोज २९, २०८३शिक्षा
• अशोज २८, २०८३समाचारमहाकालीमा वेपत्ता सशस्त्रका असई सागरको शव फेला