शिक्षक बिमल चन्द मृत अवस्थामा फेला, घटनाबारे अनुसन्धान जारी

कञ्चनपुर — कञ्चनपुरको बेलौरी नगरपालिका–४ निवासी तथा महाकाली विद्यालयमा प्लस टु विज्ञान विषय अध्यापन गर्दै आएका शिक्षक बिमल चन्द मृत अवस्थामा फेला परेका छन्।

आज अपराह्न करिब १ बजेतिर उनी शुक्लाफाँटा नगरपालिका–११ कलुवापुरस्थित कृष्ण सामुदायिक उपभोक्ता समूहको वन क्षेत्रमा झुन्डिएको अवस्थामा भेटिएको प्रहरीले जनाएको छ। घटनाबारे इलाका प्रहरी कार्यालय झलारीले आवश्यक अनुसन्धान गरिरहेको छ।

प्रहरीका अनुसार शवलाई पोस्टमार्टमका लागि बेलौरी नगरपालिका–श्रीपुर स्वास्थ्य केन्द्रमा पठाइएको छ।

बेलौरी नगरपालिकाका शिक्षा शाखा प्रमुख अमित प्रसाद भट्टका अनुसार शिक्षक चन्द भद्र स्वभावका व्यक्ति थिए र उनीसँग कसैसँग कुनै किसिमको व्यक्तिगत द्वन्द्व वा रिसइबी नरहेको जानकारी प्राप्त भएको छ।

घटनाको वास्तविक कारणबारे थप विवरण अनुसन्धानपछि मात्र खुल्ने प्रहरीले जनाएको छ।

लेखकको बारेमा

पत्र नेपाल

थप आर्टिकलहरु :

• कार्तिक ७, २०८३समाचारसूचनाको हकका लागि राष्ट्रिय महासंघका जिल्ला अधिवेशन कार्तिक मसान्तभित्र, प्रदेश अधिवेशन मंसिर १५ सम्म
• अशोज ३०, २०८३Blogवीरबहादुर थापाद्वारा सुदूरपश्चिम प्रदेशसभा सदस्यबाट राजीनामा
• अशोज २९, २०८३शिक्षा
• अशोज २८, २०८३समाचारमहाकालीमा वेपत्ता सशस्त्रका असई सागरको शव फेला