महाकालीमा वेपत्ता सशस्त्रका असई सागरको शव फेला

बाबु धनीराम भन्छन, ‘मेरो साहरा ढल्यो ?’

कञ्चनपुर, २८असोज

२४ असोज(शनिबार) महाकाली नदीमा वेपत्ता भएका सशस्त्र प्रहरीका सहायक निरीक्षक(असई) सागरराज थारुको शव फेला परेको छ । सशस्त्रका असई थारुको शव बुधबार बिहान महाकाली नदीमै फेला गरेको हो । सशस्त्र प्रहरीको गोदाखोर टिमले जालीमा अडकिएको अवस्थामा नदीमै फेला परेको शव निकालिएको छ ।

१४ असोजमा दोधाराचाँदनी झोलुङ्गेपुल भत्किएसंगै नेपाल टेलिकमको तार समेत चुडिएको थियो । त्यही टेलिकमको तार पुर्ननिर्माणका क्रममा नदीमा वेपत्ता भएका सशस्त्रका असई सागरको शव पाँच दिनमा फेला परेको सशस्त्र प्रहरीले जनाएको छ ।

कञ्चनपुरका सशस्त्र प्रहरी प्रमुख एसपी प्रेम प्रकास सिग्देलले असई सागरको शव नदीबाट निकालेर अब प्रकृयामा अघि बढाईने बताए ।

दार्चुलामा कार्यरत सागर घर विदापछि दोधारा देविस्थान गुल्ममा हाजिर भएकै भोलिपल्ट नदीमा वेपत्ता भएका थिए । घर विदाबाट २३ असोजमा दोधारा पुगेका सागर भोलीपल्टै २४ असोजमा महाकालीमा वेपत्ता भएका थिए ।

ठाकुरद्वारा नगरपालिका ६ बर्दियाका स्थानीय समेत रहेका सागर पाँच दिनदेखि नदीमै वेपत्ता भएपछि घर परिवार घटना स्थलमै पुगेका थिए ।

सागरका बाबु धनीराम थारुले छोराको कि शास कि लास चाहियो भन्दै हारगुहार गरेका थिए ।

सागरका बाबु धनिराम भन्छन, ‘मैले सर्बस्व गुमाए मेरो कोहीपनि छैन, मेरो बाँच्ने आधार एक मात्रै थियो, मेरो बुढेस कालको साहरा चाहियो, जिवनभरीको सर्बस्व कमाई क्षण भरमै गुम्यो, मेरो छोरा घर विदाबाट असाजे २३ गते यहाँ आईपुग्यो, असोज २४ गते एक्कासी डिउटीमा खटियो छोरालाई यहाँको वातावरण बारे केही थाहा छैन मलाई शंकालाग्यो कमाण्डर टोली वैकल्पिक बाटो सुरक्षा नअपनाईन छोरालाई सिधै नदीमा पठायो ।’

सागरकी श्रीमती अञ्जली थारु पनि सशस्त्र प्रहरी बलमै कार्यरत छिन । सागर वेपत्ता भएकै दिन रोल्पामा कार्यरत अञ्जलीले दिउँसो २बजेतिर खबर पाएको बताईन । ‘म डिउटीमै थिए, मलाई महाकाली नदीमा टेलिकमको तार तान्ने क्रममा सागरको खुट्टामा तार अडकिएर वेपत्ता भएको खबर आयो, म राती नै बस चढेर घर आए त्यहाँबाट सिधै घटना स्थल आएका छौँ, अहिलेसम्म श्रीमानको न शास, न लास पाईयो, कहाँको वातावरण केही नुबझेका मेरा श्रीमानलाई नदीमा पठाईयो, अझैपनि उनका विषयमा कुनै नयाँ विषय आएको छैन, हामी यहाँबाट कि शास, कि लास लिएरै जान्छौँ ।’ दोधाराचाँदनी झोलुङ्गेपुल भत्किएको दिन नदीको जलस्तर ६० हजार क्युसेक र सागर वेपत्ता भएको दिन ३१ हजार क्युसेक जलस्तर थियो ।

निर्माण भएको दुई दशमै झोलुङ्गेपुल भत्किएसंगै दोधाराचाँदनी नगरका स्थानीयका लागि सडक मात्रै होईन यहाँको पर्यटन क्षेत्रमा समेत प्रभाव परेको छ ।

लेखकको बारेमा

पत्र नेपाल

थप आर्टिकलहरु :

• कार्तिक ७, २०८३समाचारसूचनाको हकका लागि राष्ट्रिय महासंघका जिल्ला अधिवेशन कार्तिक मसान्तभित्र, प्रदेश अधिवेशन मंसिर १५ सम्म
• अशोज ३०, २०८३Blogवीरबहादुर थापाद्वारा सुदूरपश्चिम प्रदेशसभा सदस्यबाट राजीनामा
• अशोज २९, २०८३शिक्षा
• अशोज २८, २०८३समाचारमहाकालीमा वेपत्ता सशस्त्रका असई सागरको शव फेला