काठमाडौं । एप्पलको बहुप्रतीक्षित सस्तो आईफोन एसई यही बुधबार सार्वजनिक हुने भएको छ । कम्पनीका सीईओ टिम कुकले सामाजिक सञ्जाल एक्स (ट्विटर) मा पोस्ट राख्दै एप्पल लन्च इभेन्टको घोषणा गरेका हुन् ।

बुधबार आईफोन एसई फोरसँगै एप्पलका अन्य उत्पादन तथा सेवाहरू पनि सार्वजनिक हुने अपेक्षा गरिएको छ । यससँगै एप्पलको सबैभन्दा सस्तो आईफोन मोडल आईफोन एसई फोरको बिक्री दुई करोडभन्दा बढी हुने बताइएको छ । लिकर एवम् एप्पल विश्लेषक मिङ-चि कुओले यो आईफोन एसई इतिहासमै सबैभन्दा बढी युनिट बिक्री हुने आईफोन एसई मोडल बन्ने दाबी गरेका हुन् ।

एक्समा कुओले चौथो पुस्ताको आईफोन एसईले सन् २०२५ को पहिलो ६ महिनामा लगभग १ करोड २० लाख र दोस्रो ६ महिनामा १ करोड युनिट बिक्री हुने विश्लेषण गरेका हुन् । यो अघिल्ला आईफोन एसई मोडलभन्दा राम्रो सङ्ख्या हो ।

नयाँ मोडलको फिचरका कारण यसको माग बढ्ने अपेक्षा गरिएको छ । यसमा आईफोन १६ मा प्रयोग भएको चिपसेट अर्थात् ए १८ बायोनिक प्रयोग हुने बताइएको छ । एप्पलको एआई फिचर एप्पल इन्टेलिजेन्स सपोर्ट गर्नका लागि पनि सो मोडलमा उक्त चिपसेट आवश्यक हुन्छ । त्यसैले पनि अन्य मोडलभन्दा यसको प्रभाव बढी हुने अपेक्षा गरिएको छ ।

त्यस्तै यसमा आईफोन १४ को बेस र प्लस भेरियन्टको जस्तो ठूलो ६.१ इन्चको ओएलईडी डिस्प्ले हुनेछ । यसको रिफ्रेस रेट भने ६० हर्ज हुनेछ । त्यस्तै यसमा फेस आईडी, यूएसबी-सी पोर्टको सुविधा पनि हुनेछ । त्यसैले पनि आईफोनका पुराना मोडलको प्रयोगकर्ताका लागि यो फोन विशेष हुने बताइएको छ । यसको पछाडिपट्टि ४८ मेगापिक्सेलको एउटा क्यामेरा र फ्लाशलाइट हुनेछ । यो फोन ६४ जीबी इन्टर्नल स्टोरेजबाट सुरु हुने भनिएको छ ।

यो फोन गुगल पिक्सेल नाइन ए र सामसङ ए ५६ का लागि कडा प्रतिद्वन्द्वी हो । यसको मूल्य कति हुन्छ भन्ने जानकारी बाहिर आइसकेको छैन । यद्यपि अन्तर्राष्ट्रिय बजारमा यो फोन ४९९ डलर (करिब ६८ हजार रुपैयाँ) पर्ने अनुमान गरिएको छ ।

लेखकको बारेमा

पत्र नेपाल

थप आर्टिकलहरु :

• जेष्ठ १४, २०८३कलाएसईई नतिजा २०८२ : श्री सरस्वती माध्यमिक विद्यालय मोतीबस्ती पुनर्वास नगरमै प्रथम
• बैशाख २९, २०८३कृषिभूमिहीन तथा अव्यवस्थित बसोबास समस्या समाधानका लागि पुनर्वासमा वृहत छलफल
• बैशाख २३, २०८३अन्यलालझाडीमा बहाई मन्दिरको डिजाइन अनावरण
• चैत्र २९, २०८२कलाहेभेन पर्ल बर्ड एकेडेमीको १६औँ वार्षिक उत्सव तथा नतिजा प्रकाशन कार्यक्रम सम्पन्न