लालबहादुर एस.के., पुनर्वास

कञ्चनपुरको पुनर्वास नगरपालिका–६ स्थित सीमा क्षेत्र आजादनगर नजिकैको जंगलमा बाघको आक्रमणबाट एक जनाको मृत्यु भएको छ। बाघको आक्रमणबाट पुनर्वास नगरपालिका–६ निवासी अन्दाजी ७० वर्षीय सुना निरौलाको ज्यान गएको इलाका प्रहरी कार्यालय त्रिभुवनबस्तीले जनाएको छ।

प्रहरीका अनुसार निरौला घरबाट घाँस–दाउरा लिन भारततर्फको जंगल गएको र साँझसम्म घर नफर्किएपछि आफन्त तथा स्थानीयले खोजतलास सुरु गरेका थिए। नेपाल प्रहरी, सशस्त्र प्रहरी बल र स्थानीयवासीको संयुक्त खोजी अभियानका क्रममा आइतबार बिहान करिब साढे ९ बजे जंगल क्षेत्रमा बाघको आक्रमणबाट मृत्यु भएको अवस्थामा निरौलाको शव फेला परेको हो।

घटनापछि आवश्यक कानुनी प्रक्रिया अगाडि बढाइएको र स्थानीयवासीलाई सतर्क रहन आग्रह गरिएको प्रहरीले जनाएको छ। मृतकको शव पोस्टमार्टम लगायतका प्रक्रियामा स्थानीयवासीहरूको उल्लेख्य सहभागिता र सहयोग रहेको बताइएको छ।

कञ्चनपुरका विभिन्न क्षेत्रमा पछिल्लो समय अकालमै ज्यान गुमाउने घटनाहरू बढ्दै गएका छन्। विशेषगरी दक्षिणी सीमावर्ती क्षेत्रमा वन्यजन्तु—हात्ती, बाघ लगायतका आक्रमणका घटना पटक–पटक दोहोरिँदै आएका छन्। यस्ता घटनाबाट स्थानीयवासीहरू त्रसित बन्न थालेका छन्।

सम्बन्धित निकायले समयमै ध्यान नदिँदा सीमावर्ती क्षेत्रबाट नेपाल प्रवेश गर्ने वन्यजन्तुको नियन्त्रण प्रभावकारी हुन नसकेको स्थानीयको गुनासो छ। त्यसैले आगामी दिनमा यस्ता दुःखद घटना दोहोरिन नदिन वन्यजन्तु नियन्त्रणका लागि आवश्यक पूर्वतयारी, सुरक्षा व्यवस्था र ठोस पहल गर्न स्थानीयले माग गरेका छन्।

लेखकको बारेमा

पत्र नेपाल

थप आर्टिकलहरु :

• चैत्र २९, २०८२कलाहेभेन पर्ल बर्ड एकेडेमीको १६औँ वार्षिक उत्सव तथा नतिजा प्रकाशन कार्यक्रम सम्पन्न
• चैत्र २३, २०८२शिक्षासमाजसेवी शिव बिष्टद्वारा बुवा–आमाको सम्मानमा पुनर्वास का १४ विद्यालयमा अक्षयकोष स्थापना
• चैत्र २२, २०८२शिक्षाशिक्षक बिमल चन्द मृत अवस्थामा फेला, घटनाबारे अनुसन्धान जारी
• चैत्र २०, २०८२कलालालझाडीमा ७ दिने योग शिक्षक प्रशिक्षण कार्यक्रम सम्पन्न