पुनर्वास, कञ्चनपुर।

कार्यक्रममा पुनर्वास नगरपालिकाका वडा नं. १ देखि ११ सम्मका वडा अध्यक्षहरू, पूर्व गाविस अध्यक्ष स्त्रीप्रसाद घिमिरे, समाजसेवी तथा बुद्धिजीवी यामप्रसाद पौडेल, समाजसेवी तथा व्यवसायी नविन शर्मा, विभिन्न सरोकारवाला निकायका प्रतिनिधि, जनप्रतिनिधि, कर्मचारी तथा श्री बागेश्वरी माध्यमिक विद्यालय र श्री विजय माध्यमिक विद्यालयका विद्यार्थीहरूको उल्लेखनीय सहभागिता रहेको थियो।

कार्यक्रम एमपिडिएस (Multipurpose Development Society), डडेलधुरा, सुदूरपश्चिम प्रदेश सरकारको कानुन तथा संसदीय मामिला मन्त्रालयको स्वीकृत कार्यक्रमअन्तर्गत पुनर्वास नगरपालिकाको समन्वय तथा यूएनडीपी/एटुजे (A2J) को आर्थिक सहयोगमा सञ्चालन गरिएको हो।

कार्यशालामा नागरिक सहायता कक्षको भूमिका, कानुनी सहायता सेवा, न्यायमा सहज पहुँच, अनलाइन उजुरी प्रणाली, स्थानीय तहको न्यायिक समितिको प्रभावकारी सञ्चालन तथा समुदायस्तरसम्म कानुनी सेवाको पहुँच विस्तारका विषयमा जानकारी गराइएको थियो। यसै परियोजनाअन्तर्गत पुनर्वास नगरपालिका–१ देखि ११ वटै वडामा स्मार्ट कानुनी सहायता शिविर सञ्चालन गरिएको जानकारी पनि दिइयो। साथै विद्यालयस्तरमा “लागूऔषध दुव्र्यसनी न्यूनीकरणमा युवाको भूमिका” विषयक एकदिने सचेतनामूलक कार्यक्रम तथा वक्तृत्वकला प्रतियोगिता सञ्चालन गरिएको थियो।

वक्तृत्वकला प्रतियोगितामा श्री विजय माध्यमिक विद्यालयकी चेतना रावल प्रथम, लक्ष्मण बिष्ट द्वितीय तथा श्री बागेश्वरी माध्यमिक विद्यालयकी रचना राना र पृथ्वीना गुरुङ उत्कृष्ट स्थान हासिल गर्न सफल भएका थिए। विजयी विद्यार्थीहरूलाई नगरप्रमुख तोय प्रसाद शर्माले प्रमाणपत्रसहित सम्मान गर्नुभयो।

परियोजना संयोजक चन्दा शर्माले परियोजनाको उद्देश्य, सञ्चालन भएका गतिविधि र उपलब्धिबारे जानकारी दिँदै आगामी दिनमा पनि पुनर्वास नगरपालिकासँग समन्वय गरी कानुनी सहायता तथा न्यायमा पहुँच विस्तारका कार्यक्रमलाई निरन्तरता दिइने बताउनुभयो।

एमपिडिएसका सामाजिक परिचालक पुष्कर चन्दले समुदायमा कानुनी सचेतना अभिवृद्धि, नागरिक सहायता कक्षको प्रभावकारी सञ्चालन तथा स्थानीय तहबाट उपलब्ध कानुनी सेवाको पहुँच विस्तारमा परियोजनाले सकारात्मक योगदान पुर्‍याएको बताउनुभयो।

स्वयंसेवक धिरोद्र चन्द र सिर्जना श्रेष्ठले न्यायमा सबै नागरिकको समान पहुँच सुनिश्चित गर्न समुदाय, स्थानीय सरकार र सरोकारवाला निकायबीच सहकार्य अझ सुदृढ हुनुपर्नेमा जोड दिनुभयो।

कार्यक्रमकी सभापति तथा उपप्रमुख भुलिया कुमारी रानाले न्यायमा सबै नागरिकको समान पहुँच सुनिश्चित गर्नु स्थानीय सरकारको दायित्व भएको बताउँदै नागरिक सहायता कक्षलाई अझ प्रभावकारी र सेवामुखी बनाउन यस्ता क्षमता अभिवृद्धिका कार्यक्रम आवश्यक रहेको उल्लेख गर्नुभयो। महिला, बालबालिका, ज्येष्ठ नागरिक तथा सीमान्तकृत समुदायले सहज रूपमा कानुनी सेवा प्राप्त गर्न सक्ने वातावरण निर्माणमा नगरपालिका प्रतिबद्ध रहेको उहाँले बताउनुभयो।

प्रमुख अतिथि तथा नगरप्रमुख तोय प्रसाद शर्माले कानुनी सचेतना र न्यायमा सहज पहुँच लोकतान्त्रिक शासन प्रणालीको आधार भएको उल्लेख गर्दै नागरिकलाई आफ्ना अधिकारप्रति सचेत बनाउन, स्थानीय न्याय प्रणालीलाई प्रभावकारी बनाउन तथा लागूऔषध दुव्र्यसन न्यूनीकरणमा युवाको भूमिका सुदृढ गर्न यस्ता कार्यक्रम प्रभावकारी हुने बताउनुभयो। आगामी दिनमा पनि नगरपालिकाले यस्ता जनमुखी कार्यक्रमलाई निरन्तर सहयोग र समन्वय गर्ने प्रतिबद्धता व्यक्त गर्नुभयो।

कार्यक्रमको सञ्चालन पुनर्वास नगरपालिकाका विपद् व्यवस्थापन शाखा प्रमुख ओमनाथ ढकालले गर्नुभएको थियो। सहभागीहरूले यस्ता कार्यक्रमले कानुनी सहायता सेवा विस्तार, न्यायमा सहज पहुँच तथा नागरिकमैत्री स्थानीय शासन प्रवर्द्धनमा महत्वपूर्ण योगदान पुग्ने विश्वास व्यक्त गरेका थिए।

लेखकको बारेमा

पत्र नेपाल

थप आर्टिकलहरु :

• साउन १२, २०८३समाचारभजनीमा नेरुडे मिर्मिरे लघुवित्तद्वारा मृतक सदस्य परिवारलाई क्रियाखर्च सहयोग
• साउन १, २०८३शिक्षास्कुल भ्यानको ठक्करबाट मोटरसाइकल चालक घाइते, निजी विद्यालयका सवारी व्यवस्थापनमाथि प्रश्न
• असार २७, २०८३कलापुनर्वास नगरपालिकामा न्यायमा पहुँच अभिवृद्धि परियोजनाअन्तर्गत नागरिक सहायता कक्ष सुदृढीकरण तथा कानुनी सचेतना कार्यक्रम सम्पन्न
• असार ८, २०८३खेलकुदवडा सदस्य लागुऔषधसहित पक्राउ