भजनी। नेरुडे मिर्मिरे लघुवित्त वित्तीय संस्था लिमिटेड, भजनी शाखाले संस्थागत सामाजिक उत्तरदायित्व (CSR) कार्यक्रमअन्तर्गत  सोमपाल आधारभूत विद्यालय, भजनीलाई सिलिङ फ्यान सहयोग गरेको छ।
मिति २०८३ असार २९ गते आयोजित कार्यक्रममा शाखा प्रमुख गोपी भुलको नेतृत्वमा विद्यालयलाई आवश्यक सिलिङ फ्यान हस्तान्तरण गरिएको हो। कार्यक्रममा विद्यालय व्यवस्थापन समितिका पदाधिकारी, अभिभावक, वडा नं. ९ का वडा अध्यक्ष सञ्जीव चौधरी, शिक्षक-शिक्षिका, स्थानीय जनप्रतिनिधि, बुद्धिजीवी तथा स्थानीयवासीको उल्लेखनीय उपस्थिति रहेको थियो।
कार्यक्रममा बोल्दै शाखा प्रमुख गोपी भुलले संस्थाले वित्तीय सेवा प्रदान गर्ने मात्र नभई सामाजिक उत्तरदायित्वसमेत निर्वाह गर्दै आएको बताए। आगामी दिनमा पनि सेवाग्राही र स्थानीय समुदायसँग हातेमालो गर्दै यस्ता सामाजिक कार्यक्रमलाई निरन्तरता दिइने उनले उल्लेख गरे। यस्ता गतिविधिले समाज र संस्थाबीच सकारात्मक परिवर्तन ल्याउनुका साथै सेवाग्राही र संस्थाबीचको सम्बन्ध अझ सुदृढ हुने विश्वास उनले व्यक्त गरे।
विद्यालयमा अध्ययनरत विद्यार्थीहरूको सिकाइ वातावरणलाई सहज, गुणस्तरीय र अनुकूल बनाउन सहयोगस्वरूप सिलिङ फ्यान प्रदान गरिएको शाखाले जनाएको छ। संस्थाका अनुसार शिक्षामा गरिएको लगानी समृद्ध समाज निर्माणको महत्वपूर्ण आधार भएकाले विद्यार्थीको शैक्षिक विकास र सामुदायिक उत्थानका लागि यस्ता कार्यक्रमलाई निरन्तरता दिइँदै आएको छ।

नेरुडे मिर्मिरे लघुवित्त वित्तीय संस्था लिमिटेडले शिक्षा, सामाजिक उत्थान तथा दिगो सामुदायिक विकासमा योगदान पुर्‍याउने उद्देश्यका साथ आगामी दिनमा पनि यस्ता सामाजिक उत्तरदायित्वका कार्यक्रमलाई अझ प्रभावकारी रूपमा सञ्चालन गर्ने प्रतिबद्धता जनाएको छ।

लेखकको बारेमा

दिनेश सार्की

मधेश प्रदेश

थप आर्टिकलहरु :

• साउन १, २०८३शिक्षाभजनीमा नेरुडे मिर्मिरे लघुवित्तद्वारा विद्यालयलाई सिलिङ फ्यान सहयोग
• जेष्ठ ३०, २०८३राजनितिराष्ट्रिय स्वतन्त्र पार्टीमा प्रेम एसकेको यात्रा : सदस्यबाट कञ्चनपुर उपसभापति हुँदै प्रदेश कमिटी सदस्यसम्म
• जेष्ठ २८, २०८३समाचारपुनर्वास सबस्टेसनबाट ३३ केभी लाइन सञ्चालनको तयारी, लोभोल्टेज समस्या समाधान हुने
• बैशाख २५, २०८३Blogहराएको डकुमेन्ट फेला पारी सम्बन्धित व्यक्तिलाई बुझाइयो