पुनर्वास फियुज सेवा नयाँ भवनबाट सञ्चालनमा

कञ्चनपुर — बेलौरी विद्युत वितरण केन्द्रअन्तर्गत सञ्चालनमा रहेको पुनर्वास फियुज सेवा अब नयाँ स्थानबाट सञ्चालनमा आउने भएको छ। वितरण केन्द्रले दिएको जानकारी अनुसार हाल सञ्चालन भइरहेको स्थानबाट करिब २५० मिटर पश्चिम, त्रिभुवन बस्ती नजिकै रहेको टाउन क्षेत्रमा निर्माण गरिएको ३३ केभी सबस्टेसन भवनबाट सेवा सुचारु गर्न लागिएको हो।

सूचनाअनुसार मिति २०८२ साल चैत १६ गतेदेखि फियुज सेवाबाट प्रदान गरिने सम्पूर्ण प्राविधिक कार्यहरू नयाँ कार्यालयबाटै सञ्चालन हुनेछन्। फ्युज सेवा अन्तर्गतका कार्यहरूबारे जानकारी दिँदै कर्मचारी कृष्ण साउदले सो मितिबाट प्राविधिक सेवा पूर्ण रूपमा स्थानान्तरण हुने बताउनुभयो।

त्यसैगरी, काउन्टर सेवा अन्तर्गतका सम्पूर्ण सेवाहरू भने मिति २०८२ साल चैत २२ गते आइतबारदेखि नयाँ निर्मित पुनर्वास ३३ केभी सबस्टेसन भवनबाट सञ्चालन हुने जानकारी दिइएको छ।

बेलौरी विद्युत वितरण केन्द्रका कार्यालय प्रमुख हिक्मत बहादुर बि.सी का अनुसार नयाँ कार्यालयबाट सेवा सञ्चालन भएपछि विद्युत सेवा अझ व्यवस्थित, छिटो र प्रभावकारी हुने अपेक्षा गरिएको छ।

यसैबीच, हिक्मत बहादुर बि सी नयाँ कार्यालय प्रमुखको आगमनसँगै विद्युत सम्बन्धी कार्यहरूमा तीव्रता आएको स्थानीयले बताएका छन्। सेवा प्रवाह चुस्त दुरुस्त बन्दै गएको भन्दै सेवाग्राहीहरू खुशी भएका छन्। नयाँ व्यवस्थापन र पूर्वाधारका कारण विद्युत सेवामा उल्लेखनीय सुधार आएको स्थानीय बासिन्दाको भनाइ छ।

लेखकको बारेमा

पत्र नेपाल

थप आर्टिकलहरु :

• चैत्र २९, २०८२कलाहेभेन पर्ल बर्ड एकेडेमीको १६औँ वार्षिक उत्सव तथा नतिजा प्रकाशन कार्यक्रम सम्पन्न
• चैत्र २३, २०८२शिक्षासमाजसेवी शिव बिष्टद्वारा बुवा–आमाको सम्मानमा पुनर्वास का १४ विद्यालयमा अक्षयकोष स्थापना
• चैत्र २२, २०८२शिक्षाशिक्षक बिमल चन्द मृत अवस्थामा फेला, घटनाबारे अनुसन्धान जारी
• चैत्र २०, २०८२कलालालझाडीमा ७ दिने योग शिक्षक प्रशिक्षण कार्यक्रम सम्पन्न