पुनर्वास, भदौ ८ – अमर गोकुल सामुदायिक बन उपभोक्ता समूहको आयोजनामा आज हरितालिका तीज विशेष कार्यक्रम भव्यतापूर्वक सम्पन्न गरिएको छ। कार्यक्रममा महिला दिदीबहिनीहरूले दर खाँदै रमाइलो गरेका दृश्यहरूले वातावरण उल्लासपूर्ण बनेको थियो।

महिलाहरूको महान् चाडपर्व हरितालिका तीजलाई लक्षित गरी गरिएको यस कार्यक्रममा सहभागीहरूले आपसी मेलमिलाप, भाइचारा र सामुदायिक एकताको सन्देश प्रवाह गरेको आयोजकहरूले बताएका छन्।

वन उपभोक्ता समूहका अध्यक्ष मानबहादुर थापाले यस किसिमका सांस्कृतिक कार्यक्रमहरूले समाजमा हुने गतिविधिलाई रूपान्तरण गर्ने, मौलिकता झल्काउने संस्कृतिलाई जगेर्ना गर्ने र समुदायलाई एकताबद्ध गर्दै अघि बढाउने उद्देश्य रहेको जानकारी दिनुभयो।

यसैगरी, कञ्चनपुरको दक्षिण बेल्ट अन्तर्गत पुनर्वास नगरपालिका वडा नम्बर ११ मा रहेको अमर गोकुल सामुदायिक बन उपभोक्ता समूहले यस वर्षको २०८२ को हरितालिका तीज भव्य तथा सभ्य ढंगले मनाएको जनाएको छ। साथै, यस अवसरमा विभिन्न सामाजिक संघसंस्थाहरूले पनि तीजलाई उल्लासपूर्वक मनाएको उल्लेख गर्दै, आफ्ना गतिविधिहरू मार्फत महिलाहरूप्रति उच्च सम्मान प्रकट गर्न समूहले विशेष कार्यक्रमको आयोजना गरेको पनि अध्यक्ष थापाले बताउनुभयो।

लेखकको बारेमा

दिनेश सार्की

मधेश प्रदेश

थप आर्टिकलहरु :

• साउन १, २०८३शिक्षाभजनीमा नेरुडे मिर्मिरे लघुवित्तद्वारा विद्यालयलाई सिलिङ फ्यान सहयोग
• जेष्ठ ३०, २०८३राजनितिराष्ट्रिय स्वतन्त्र पार्टीमा प्रेम एसकेको यात्रा : सदस्यबाट कञ्चनपुर उपसभापति हुँदै प्रदेश कमिटी सदस्यसम्म
• जेष्ठ २८, २०८३समाचारपुनर्वास सबस्टेसनबाट ३३ केभी लाइन सञ्चालनको तयारी, लोभोल्टेज समस्या समाधान हुने
• बैशाख २५, २०८३Blogहराएको डकुमेन्ट फेला पारी सम्बन्धित व्यक्तिलाई बुझाइयो