३ फागुन, काठमाडौं । अमेरिकाले भारतलाई एफ-३५ नामको लडाकु विमान दिने समाचार अहिले चर्चामा छ । यो पाँचौं पुस्ता (फिफ्थ जेनेरेसन) को अत्याधुनिक लडाकु विमान हो ।

भारतीय प्रधानमन्त्री नरेन्द्र मोदीको अमेरिका भ्रमणको क्रममा अमेरिका भारतलाई उक्त बहुउद्देश्यीय लडाकु विमान एफ-३५ उपलब्ध गराउन तयार भएको छ ।

यो विमानको निर्माण सन् २००६ देखि लकहिड मार्टिनले सुरु  गरेका थिए । सन् २०१५ देखि यो लडाकु विमान अमेरिकी सेनाको महत्वपूर्ण अस्त्र बनेको छ ।

एफ-३५ लाइटनिङ सेकेन्ड नामको लडाकु विमान आफ्ना केही विशेषताका कारण अत्यधिक शक्तिशाली लडाकु विमानको रूपमा परिचित छ । यो उन्नत स्टिल्थ (रडारमा नदेखिने) प्रविधि भएको पाँचौं पुस्ताको अत्याधिक प्रयोगमा आएको लडाकु विमान हो।

१.  महंगो लडाकु विमान

समाचार संस्थाहरूका अनुसार अमेरिकी रक्षा विभाग, पेन्टागनको इतिहासमा सबैभन्दा महँगो विमान यही एफ-३५ हो। अमेरिका एउटा एफ-३५ लडाकु विमान निर्माणमा करिब ८२.५ मिलियन डलर खर्च गर्छ ।

उक्त विमान हवाई युद्ध, जमिनमा आक्रमण र गुप्तचर मिसनहरूका लागि माहिर मानिन्छ । अमेरिकाका नयाँ राष्ट्रपति डोनाल्ड ट्रम्प भारतलाई उक्त लडाकु विमान दिन तयार भएका हुन् ।

२. युद्धमा निर्णायक

अमेरिका, नेटो र अन्य सहयोगी राष्ट्रहरूको लागि युद्धमा गेम चेन्जर साबित भएको एफ-३५ ले अब भारतीय वायु सेनाको शक्ति बढाउने काम गर्नेछ।

३. लगभग अदृश्य, शत्रुलाई छक्याउने

यो विमान साना र मध्यम दूरीका मिसाइलहरू बोक्न सक्छ र यसको सबैभन्दा ठूलो विशेषता भनेको शत्रुको रडारले यसलाई पत्ता लगाउन नसक्नु हो। लगभग अदृश्य रहने भएकाले यो शत्रुको सुरक्षित क्षेत्रमा सजिलै प्रवेश गर्न सक्छ।

४.  सजिलै टेकअफ

यो विमान साधारण लडाकु विमान जस्तै सामान्य टेकअफ र अवतरण गर्न सक्छ । यही समूहमा पर्ने विमान छोटो दूरीमा टेकअफ र ठाडो अवतरण गर्न पनि सक्षम हुन्छ । यसले एयरक्राफ्ट क्यारियरबाट पनि टेकअफ गर्न सक्छ ।

५.  सुपरसोनिक गति

एफ-३५ विमान साधारणभन्दा धेरै छिटो अर्थात् सुपरसोनिक गतिमा उड्न सक्छ। यो मल्टी-रोल लडाकु विमानले आकाशमै रहेका र जमिनमा रहेका शत्रुलाई आक्रमण गर्न सक्छ। तीव्र गतिका कारण यसले शत्रुलाई पराजित गरेर केही सेकेन्डमै सुरक्षित रुपमा फर्कन सक्छ।

६. अत्याधुनिक सेन्सर

यसमा उच्च प्रविधियुक्त सेन्सरहरू जडान गरिएका छन्, जसले पाइलटसँग तीव्र गतिमा डाटा आदानप्रदान गर्छ। फ्युजन रडार, इलेक्ट्रो-अप्टिकल र इन्फ्रारेड सेन्सरहरू जडान गरिएको यो विमानले तीव्र गतिमा डाटा सङ्कलन गरी पाइलटलाई खतराबाट सतर्क गराउँछ। एफ-३५ को अधिकतम गति म्याक १.६ बताइएको छ ।

लेखकको बारेमा

पत्र नेपाल

थप आर्टिकलहरु :

• भदौ २०, २०८३समाचारभन्सार छलीका सामान बरामदमा सुदूरपश्चिम प्रदेश प्रहरीको सक्रियता बढ्यो
• भदौ ६, २०८३राजनितिकम्युनिस्ट नेतृत्वकै सरकारमा दलित प्रतिनिधित्व शून्य : समावेशितामाथि गम्भीर प्रश्न
• साउन २३, २०८३समाचारनिर्मला हत्याकाण्डमा तत्तकालिन आईजिपि सर्वोन्द खनालमाथि अनुसन्धान हुनुपर्छ पत्रकार भण्डारी 
• साउन २३, २०८३समाचारनेपाल–भारत आवतजावत गर्ने यात्रुका लागि ठूलो झट्का, गौरीफन्टा नाकामा आधार कार्डबाट प्रवेश बन्द