भजनीमा नेरुडे मिर्मिरे लघुवित्तद्वारा मृतक सदस्य परिवारलाई क्रियाखर्च सहयोग

कैलाली, भजनी — नेरुडे मिर्मिरे लघुवित्त वित्तीय संस्था लिमिटेड, शाखा कार्यालय भजनीले आफ्ना सदस्यको परिवारलाई ग्राहक संरक्षण कोषमार्फत क्रियाखर्च सहयोग प्रदान गरेको छ।

भजनी नगरपालिका–९ निवासी गीता कामी, जो केन्द्र नं. ०४४ अन्तर्गतको केदार नेरुडे मिर्मिरे महिला समूह मा आबद्ध सदस्य हुन्, उनका श्रीमानको अल्पायुमै असामयिक निधन भएपछि संस्थाले ग्राहक संरक्षण कोषबाट मृतक परिवारलाई आर्थिक सहयोग उपलब्ध गराएको हो। उक्त सहयोग रकम मृतकका बुवा टीका कामीलाई क्रियाखर्च स्वरूप हस्तान्तरण गरिएको शाखा कार्यालयका प्रमुख गोपी भुलले जानकारी दिए।

शाखा प्रमुख भुलका अनुसार लघुवित्त संस्था बचत तथा लगानीमा मात्र सीमित नभई आफ्ना सेवाग्राहीको सुख-दुःखमा साथ दिने सामाजिक उत्तरदायित्व पनि वहन गर्दै आएको छ। सेवाग्राहीहरूले जम्मा गरेको रकमलाई सुरक्षित र प्रभावकारी रूपमा परिचालन गर्नुका साथै विपद्, दुःखद् घटना तथा आपतकालीन अवस्थामा ग्राहक संरक्षण कोषमार्फत आवश्यक सहयोग उपलब्ध गराउने गरिएको उनले बताए।

उनले लघुवित्तले आर्थिक कारोबारसँगै सेवामूलक कार्यक्रमलाई पनि प्राथमिकता दिएको उल्लेख गर्दै समय–समयमा सेवाग्राहीहरूका लागि सीपमूलक तालिम, वित्तीय साक्षरता, जनचेतनामूलक कार्यक्रम तथा विभिन्न सामाजिक गतिविधिहरू सञ्चालन गर्दै आएको जानकारी दिए।

स्थानीयवासीहरूले यस्ता सहयोगले दुःखको घडीमा पीडित परिवारलाई राहत पुग्नुका साथै लघुवित्त संस्था र सेवाग्राहीबीचको विश्वास अझ मजबुत हुने विश्वास व्यक्त गरेका छन्।

लेखकको बारेमा

पत्र नेपाल

थप आर्टिकलहरु :

• भदौ २०, २०८३समाचारभन्सार छलीका सामान बरामदमा सुदूरपश्चिम प्रदेश प्रहरीको सक्रियता बढ्यो
• भदौ ६, २०८३राजनितिकम्युनिस्ट नेतृत्वकै सरकारमा दलित प्रतिनिधित्व शून्य : समावेशितामाथि गम्भीर प्रश्न
• साउन २३, २०८३समाचारनिर्मला हत्याकाण्डमा तत्तकालिन आईजिपि सर्वोन्द खनालमाथि अनुसन्धान हुनुपर्छ पत्रकार भण्डारी 
• साउन २३, २०८३समाचारनेपाल–भारत आवतजावत गर्ने यात्रुका लागि ठूलो झट्का, गौरीफन्टा नाकामा आधार कार्डबाट प्रवेश बन्द