झापा

विश्वभर धार्मिक भिन्नतालाई लिएर हिन्दू-मुस्लिमबीच द्वन्द्व भइरहेको संवेदनशील अवस्थामा नेपालमा भने धार्मिक सद्भाव र एकताको सन्देश फैलाउने उद्देश्यले अहमदिया मुस्लिम समुदायले ऐतिहासिक कदम चालेको छ।

आज झापाको बिर्तामोड–८ मोरस्थित एक मन्दिरमा अहमदिया मुस्लिम समुदायका जिल्ला इन्चार्ज नईम अहमदको नेतृत्वमा समुदायका सदस्यहरूले सफाई कार्यक्रम सञ्चालन गरेका छन्। मन्दिरमा गरिएको सफाई अभियानले धार्मिक सहिष्णुताको उदाहरण प्रस्तुत गर्नुका साथै नेपालमा धार्मिक एकताको प्रष्ट सन्देश दिएको सहभागीहरूले बताएका छन्।

यस कार्यक्रममा बिर्तामोड–८ का अध्यक्षसहित हिन्दू समुदायका सम्मानित व्यक्तिहरू पनि उपस्थित भई प्रत्यक्ष सहभागिता जनाएका थिए। सहभागीहरूका अनुसार यस्तो कार्यले नेपालमा मात्र नभई विश्वभर धार्मिक एकताको सन्देश पुर्‍याउनेछ।

अहमदिया मुस्लिम समुदायले धार्मिक आस्थाको भिन्नतालाई बेवास्ता गर्दै वर्षभरि मानवीय सेवामूलक कार्यलाई निरन्तरता दिँदै आएको छ। उनका अनुसार, सेवा नै धर्म हो भन्ने भावनालाई आत्मसात् गर्दै आगामी दिनमा पनि समुदायले सामाजिक सद्भाव, सेवा र भाइचारामा जोड दिनेछ।

नेपालको इतिहासमा पहिलोपटक मुस्लिम समुदायले हिन्दू मन्दिरमा सफाई अभियान सञ्चालन गरेर प्रस्तुत गरेको यो उदाहरणीय कार्य धार्मिक सद्भाव र शान्ति स्थापनामा महत्वपूर्ण योगदानका रूपमा दर्ज भएको छ।

लेखकको बारेमा

पत्र नेपाल

थप आर्टिकलहरु :

• कार्तिक ७, २०८३समाचारसूचनाको हकका लागि राष्ट्रिय महासंघका जिल्ला अधिवेशन कार्तिक मसान्तभित्र, प्रदेश अधिवेशन मंसिर १५ सम्म
• अशोज ३०, २०८३Blogवीरबहादुर थापाद्वारा सुदूरपश्चिम प्रदेशसभा सदस्यबाट राजीनामा
• अशोज २९, २०८३शिक्षा
• अशोज २८, २०८३समाचारमहाकालीमा वेपत्ता सशस्त्रका असई सागरको शव फेला