बाँसगढी क्याम्पसका नवनिर्वाचित अध्यक्षद्वारा ५ लाख रुपैयाँको छात्रवृत्ति कोष स्थापना गर्ने घोषणा

बर्दिया, जेठ २०, २०८३ – बाँसगढी बहुमुखी क्याम्पस सञ्चालक समितिका नवनिर्वाचित अध्यक्ष रेशम अधिकारीले गरिब तथा विपन्न वर्गका विद्यार्थीहरू उच्च शिक्षाबाट वञ्चित हुन नपरोस् भन्ने उद्देश्यले ५ लाख रुपैयाँको छात्रवृत्ति कोष स्थापना गर्ने घोषणा गरेका छन्।

अध्यक्षको पदभार ग्रहण गर्दै अधिकारीले बाह्य स्रोतहरूको खोजी गरी आगामी दिनमा कोषलाई निरन्तर वृद्धि गर्ने योजना रहेको जानकारी दिए। उनले आर्थिक वर्ष २०८३/८४ भित्र ५ लाख रुपैयाँ बराबरको छात्रवृत्ति कोष स्थापना गरिने घोषणा गरेका हुन्।

क्याम्पस निर्वाचन समितिद्वारा मंगलबार आयोजित औपचारिक कार्यक्रममा सञ्चालक समितिका अध्यक्ष तथा सदस्यहरूले सपथ ग्रहण गरेका थिए। निर्वाचन समिति संयोजक षडानन्द तिवारीले नवनिर्वाचित अध्यक्ष तथा सदस्यहरूलाई सपथ ग्रहण गराउनुका साथै प्रमाणपत्र वितरण गरेका थिए।

संविधानसभा सदस्य निर्मलप्रकाश सुबेदीको प्रमुख आतिथ्यमा सम्पन्न कार्यक्रममा वक्ताहरूले नवनिर्वाचित कार्यसमितिलाई बधाई तथा सफल कार्यकालको शुभकामना व्यक्त गरेका थिए।

कार्यक्रममा प्रमुख अतिथि सुबेदी, निर्वाचन समिति संयोजक तिवारी, क्याम्पस सञ्चालक समितिका निवर्तमान अध्यक्ष भवनकुमार थारू, निवर्तमान उपाध्यक्ष तथा अध्यक्ष पदका प्रत्याशी लोकप्रसाद शर्मा लगायतले नवनिर्वाचित कार्यसमितिलाई बधाई दिँदै क्याम्पसको शैक्षिक गुणस्तर अभिवृद्धिका लागि सबै पक्षसँग समन्वय र सहकार्य गर्दै अघि बढ्न सुझाव दिएका थिए।

लेखकको बारेमा

कृष्ण बहादुर बुढा

लुम्बिनि प्रदेश

थप आर्टिकलहरु :

• जेष्ठ २०, २०८३खेलकुदबाँसगढी क्याम्पसका नवनिर्वाचित अध्यक्षद्वारा ५ लाख रुपैयाँको छात्रवृत्ति कोष स्थापना गर्ने घोषणा
• पुस १०, २०८२शिक्षाआठौँ नगस्तरीय राष्ट्रपति रनिङसिल्ड खेलकुद प्रतियोगिता उद्घाटन कार्यक्रम सम्पन्न 
• भदौ २३, २०८२शिक्षा५८ औ अन्तर्राष्ट्रिय साक्षरता दिवस तथा शैक्षिक क्षेत्रमा उल्लेखनीय योगदान दिने लाई सम्मान
• भदौ १८, २०८२समाचारसहकारीका समस्या चुनौती र अवसर विषयक अन्तरक्रिया  कार्यक्रम सम्पन्न !