धनगढीः नवजीवन सहकारीका अध्यक्ष देव बहादुर बमले कोल्ड स्टोरको पाँच करोड अनुदान दिन प्रदेश सरकारले आफूसँग एक करोड घुस मागेको दाबी गरेका थिए। गत बिहीवार अध्यक्ष बमले प्रदेश सरकार भ्रष्टाचारको अखडा रहेको दाबी गरेका थिए।

बमको यस्तो आरोपपछि विभिन्न सञ्चार माध्यममा यो विषय सार्वजनिक भएको थियो। पाँच करोड अनुदानका लागि एक करोड घुस मागेको भन्ने नवजीवन सहकारीका अध्यक्ष बमले लगाएको आरोप पुष्टि भए जोसुकै संलग्न भए पनि कारबाही गर्ने मुख्यमन्त्री कमलबहादुर शाहले बताएका थिए। मुख्यमन्त्रीको निर्देशनमै आइतवार भूमि व्यवस्था कृषि तथा सहकारी मन्त्री बिर बहादुर थापाले मन्त्रालयमा पत्रकार सम्मेलन गर्दै बमले लगाएको आरोप पुष्टि गर्न प्रमाण दिनुपर्ने बताएका छन्।

बमले गत वर्ष कोल्ड स्टोरको पाँच करोड अनुदानका लागि एक करोड घुस मागेको भने पनि कोल्ड स्टोरका लागि संघ सरकारबाट आर्थिक वर्ष २०७९/८० मा पाँच करोड बजेट आएको स्पष्ट पारेका छन्। त्यो समयमा आफू मन्त्री नभएको र मन्त्रालयका कुनै पनि व्यक्तिले घुस मागेको प्रमाणित भए प्रदेश सरकारले आवश्यक कारबाही गर्ने बताएका छन्।

उहाँले गत वर्षको बजेट भन्नु भएको छ तर कोल्ड स्टोरका लागि संघ सरकारबाट आर्थिक वर्ष २०७९/८० मा पाँच करोड अनुदान आएको छ। त्यो समयमा म मन्त्री पनि थिएन। उहाँले कसले घुस मागेको हो भन्ने प्रमाण दिएर सहयोग गर्नुपर्छ। हामी सलग्नलाई कारबाही गर्ने छौँ,’ मन्त्री थापाले भने।

मन्त्री थापाले घुस मागेको विषय सत्यतथ्य बाहिर ल्याउन आग्रह गरेका छन्। उनले आरोप लगाउने अध्यक्ष बमले कसले घुस मागेको हो त्यस प्रमाण दिनुपर्ने बताएका छन्। प्रमाण फेला परेको खण्डमा संलग्न सबैलाई सरकारले कारबाही गर्ने स्पष्ट पारेका छन्।

प्रदेश सरकारका कृषि मन्त्री वीरबहादुर थापाले विभिन्न सामाजिक सञ्जाल र मिडियामा बाहिरिएका समाचारहरू आधारहीन र भ्रमित भएको स्पष्ट बताएका छन्। बिना प्रमाण चरित्र हत्या गर्ने तथा बजेट नपाएको भन्दै झुटा आरोप लगाउने कार्य मानवता र सभ्यताको विरुद्ध भएको भन्दै उनले यस्ता गतिविधि तत्काल रोक्न आग्रह गरेका छन्। यदि कुनै आरोपमा सत्यता रहेको भए प्रमाणसहित सार्वजनिक गर्न मन्त्री थापाले चुनौती दिएका छन्।

मन्त्री थापाले नवजीवन सहकारीका अध्यक्ष बमले गाडी खरिदको अनुदान नदिएको भन्ने दाबीमा पनि सत्यता नभएको बताएका छन्। यस्तै मेहन्द्रनगरको उदयदेव सहकारीको कुरामा पनि सत्यता नभएको बताएका हुन्। तर पाँच करोड अनुदानमा घुस मागिएको विषयमा बमले प्रमाण उपलब्ध गराउनुपर्ने मन्त्री थापाले बताएका छन्।

लेखकको बारेमा

पत्र नेपाल

थप आर्टिकलहरु :

• कार्तिक ७, २०८३समाचारसूचनाको हकका लागि राष्ट्रिय महासंघका जिल्ला अधिवेशन कार्तिक मसान्तभित्र, प्रदेश अधिवेशन मंसिर १५ सम्म
• अशोज ३०, २०८३Blogवीरबहादुर थापाद्वारा सुदूरपश्चिम प्रदेशसभा सदस्यबाट राजीनामा
• अशोज २९, २०८३शिक्षा
• अशोज २८, २०८३समाचारमहाकालीमा वेपत्ता सशस्त्रका असई सागरको शव फेला