महेन्द्रनगर, असार ८ – कञ्चनपुरको भीमदत्त नगरपालिका–१८ की वडा सदस्य रुपा जैरु लागुऔषधसहित पक्राउ परेकी छन्। जिल्ला प्रहरी कार्यालय कञ्चनपुर र लागुऔषध नियन्त्रण ब्यूरोको संयुक्त टोलीले असार ६ गते भीमदत्त–१८ स्थित कटान क्षेत्रबाट उनलाई पक्राउ गरेको हो। गोप्य सूचनाका आधारमा प्रहरीले निगरानी बढाएको क्रममा शंकास्पद अवस्थामा फेला परेकी जैरुको शरीर खानतलासी गर्दा दाहिने कोखीमुनि कालो प्लास्टिकको पोकाभित्र लुकाइ राखिएको लागुऔषध बरामद भएको प्रहरीले जनाएको छ।

जिल्ला प्रहरी कार्यालय कञ्चनपुरका डीएसपी टेकबहादुर रावतका अनुसार जैरुको साथबाट प्रोमेथाजिन हाइड्रोक्लोराइड इन्जेक्सन १५ एम्पुल र बुप्रेनोर्फिन हाइड्रोक्लोराइड इन्जेक्सन ३० एम्पुल बरामद गरिएको छ। डीएसपी रावतले लागुऔषध कारोबारमा संलग्न रहेको सूचनाका आधारमा पक्राउ गरिएको र घटनाबारे थप अनुसन्धान भइरहेको जानकारी दिए। प्रहरीले जैरुविरुद्ध लागुऔषध सम्बन्धी कसुरमा आवश्यक अनुसन्धान तथा कानुनी प्रक्रिया अघि बढाएको जनाएको छ।

लेखकको बारेमा

पत्र नेपाल

थप आर्टिकलहरु :

• भदौ ६, २०८३राजनितिकम्युनिस्ट नेतृत्वकै सरकारमा दलित प्रतिनिधित्व शून्य : समावेशितामाथि गम्भीर प्रश्न
• साउन २३, २०८३समाचारनिर्मला हत्याकाण्डमा तत्तकालिन आईजिपि सर्वोन्द खनालमाथि अनुसन्धान हुनुपर्छ पत्रकार भण्डारी 
• साउन २३, २०८३समाचारनेपाल–भारत आवतजावत गर्ने यात्रुका लागि ठूलो झट्का, गौरीफन्टा नाकामा आधार कार्डबाट प्रवेश बन्द
• साउन १२, २०८३समाचारभजनीमा नेरुडे मिर्मिरे लघुवित्तद्वारा मृतक सदस्य परिवारलाई क्रियाखर्च सहयोग