लालझाडीमा हात्तीको आक्रमण : हजुरआमा घाइते, ६ वर्षीया नातिनीको मृत्यु

लालझाडी गाउँपालिका–६ चाँन्देवकीकी ६ वर्षीया रोजिना साउदको जंगली हात्तीको आक्रमणबाट मृत्यु भएको हो। आइतबार बिहान करिब ३ बजेतिर आएको हात्तीको बथानले साउद परिवारको घरमा आक्रमण गर्दा ५५ वर्षीया पार्वती साउद र उनकी नातिनी रोजिना गम्भीर घाइते भएका थिए।

कञ्चनपुर प्रहरीका प्रवक्ता हेमबहादुर शाहीका अनुसार घाइते दुवैलाई उपचारका लागि महेन्द्रनगरस्थित सेती प्रादेशिक अस्पताल (सिएण्डसी) लगिएको थियो। त्यहाँ उपचार सम्भव नभएपछि बालिका रोजिनालाई धनगढी रेफर गरिएको थियो। तर अस्पताल पुग्नुअघि नै बाटोमै उनको मृत्यु भएको प्रहरीले जनाएको छ।

हात्तीको आक्रमणमा घाइते भएका दुवैको नेपाली सेनाको टोलीले उद्धार गरेको थियो। हाल घाइते पार्वती साउदको उपचार भइरहेको छ।

पछिल्ला दिनहरूमा कञ्चनपुर जिल्लामा जंगली हात्तीको आक्रमणका घटनाहरू बढ्दै गए पनि सम्बन्धित निकायले प्रभावकारी नियन्त्रण र रोकथाममा ध्यान नदिँदा सर्वसाधारणले अकालमै ज्यान गुमाउनुपरेको स्थानीयको गुनासो छ।

यसअघि पनि यस्तै घटनाहरू पटक–पटक दोहोरिँदै आए तापनि कुनै पनि निकायबाट दीर्घकालीन समाधानका लागि ठोस पहल नहुँदा मानव–वन्यजन्तु द्वन्द्व झनै जटिल बन्दै गएको छ।

लेखकको बारेमा

पत्र नेपाल

थप आर्टिकलहरु :

• भदौ २०, २०८३समाचारभन्सार छलीका सामान बरामदमा सुदूरपश्चिम प्रदेश प्रहरीको सक्रियता बढ्यो
• भदौ ६, २०८३राजनितिकम्युनिस्ट नेतृत्वकै सरकारमा दलित प्रतिनिधित्व शून्य : समावेशितामाथि गम्भीर प्रश्न
• साउन २३, २०८३समाचारनिर्मला हत्याकाण्डमा तत्तकालिन आईजिपि सर्वोन्द खनालमाथि अनुसन्धान हुनुपर्छ पत्रकार भण्डारी 
• साउन २३, २०८३समाचारनेपाल–भारत आवतजावत गर्ने यात्रुका लागि ठूलो झट्का, गौरीफन्टा नाकामा आधार कार्डबाट प्रवेश बन्द