कञ्चनपुर ।

नेपालीहरूको महान चाडपर्व विजया दशमीको अवसरमा अहमदिया जमात नेपालले सम्पूर्ण नेपाली दाजुभाइ तथा दिदीबहिनीहरूलाई हार्दिक शुभकामना व्यक्त गरेको छ।

अहमदिया जमात नेपालका राष्ट्रिय अध्यक्ष मोइन अहमदले दशैँजस्तो महान चाडपर्वले आपसी सद्भाव, शान्ति र भ्रातृत्वको भावना मजबुत बनाउने विश्वास व्यक्त गर्दै सबै धर्मको सम्मान अनिवार्य रहेको बताउनुभयो। उहाँका अनुसार सबै धर्मका पूजास्थल, धार्मिक ग्रन्थ र गुरुहरूको सम्मान गर्नु नै राष्ट्रिय एकता र सहअस्तित्वको आधार हो। अध्यक्ष अहमदले अहमदिया मुस्लिम समुदायले विगत ३० वर्षदेखि नेपालमा निरन्तर सेवा गर्दै आएको पनि जानकारी दिनुभयो।

त्यसैगरी, जिल्ला इन्चार्ज नईम अहमदले विजया दशमीलाई आपसी सद्भाव, प्रेम र धार्मिक सहिष्णुताको सन्देश बोकेको पर्व भन्दै यसले सबै नेपालीलाई एकताको सूत्रमा बाँध्ने विश्वास व्यक्त गर्नुभयो।

अहमदिया समुदायको आदर्श वाक्य “सबैलाई प्रेम, कसैलाई घृणा नगर” रहेको छ। समुदायका अनुसार यही आदर्शमार्फत धार्मिक भेदभाव बिना मानवताको हितमा नेपाल मात्र नभई सम्पूर्ण विश्वमै कार्य गर्दै आएको र यही वास्तविक इस्लामको सन्देश रहेको बताइएको छ।

लेखकको बारेमा

पत्र नेपाल

थप आर्टिकलहरु :

• कार्तिक ७, २०८३समाचारसूचनाको हकका लागि राष्ट्रिय महासंघका जिल्ला अधिवेशन कार्तिक मसान्तभित्र, प्रदेश अधिवेशन मंसिर १५ सम्म
• अशोज ३०, २०८३Blogवीरबहादुर थापाद्वारा सुदूरपश्चिम प्रदेशसभा सदस्यबाट राजीनामा
• अशोज २९, २०८३शिक्षा
• अशोज २८, २०८३समाचारमहाकालीमा वेपत्ता सशस्त्रका असई सागरको शव फेला