कञ्चनपुरको दक्षिणी बेल्टमा अवस्थित पुनर्वास नगरपालिका–९ का बासिन्दा तथा नेपाली कांग्रेसका सक्रिय युवा नेता अमरजंग साउदले ‘मिसन ८४’ अन्तर्गत आगामी स्थानीय तह निर्वाचनमा पार्टीको पहिलो टिकट आफूले पाउनेमा पूर्ण विश्वास व्यक्त गरेका छन्।

नेता साउथले वि.सं. २०४६ सालमा नेपाली कांग्रेसको सक्रिय सदस्यता प्राप्त गरेका थिए। उनले २०५९ सालमा तत्कालीन परासन गाविसको सभापतिको जिम्मेवारी सम्हालेका थिए र करीब १५–१६ वर्षसम्म सो पदमा निरन्तर सेवा गर्दै आएका छन्। हाल उनी नेपाली कांग्रेसको महाधिवेशन प्रतिनिधिका रूपमा समेत क्रियाशील छन्।

सामाजिक विकासका क्षेत्रमा समेत उल्लेखनीय योगदान दिँदै आएका साउद श्री राष्ट्रिय माध्यमिक विद्यालय, पुनर्वास–९ को व्यवस्थापन समितिका अध्यक्षको रूपमा लामो समयदेखि संलग्न छन्। उनले विद्यालयको चौतर्फी विकासमा अग्रसर भूमिका निर्वाह गर्दै आएका छन्। यस्तै, प्याराताल संरक्षण समितिका संयोजक साउद स्थानीय विकास र वातावरण संरक्षणमा क्रियाशील रहँदै आएका छन्।

नेता साउदले ‘मिसन ८४’ मा आफू नेपाली कांग्रेसको तर्फबाट पुनर्वास मेयरको उम्मेदवारका रूपमा अग्रपंक्तिमा रहेको दाबी गरेका छन्। उनले पार्टीभित्र आफूजस्ता सक्षम, अनुभवी र जनतामा पकड भएका युवालाई प्राथमिकता दिइनेमा विश्वास व्यक्त गर्दै नगर प्रमुख पदको जिम्मेवारी सम्हाल्ने आकांक्षा सार्वजनिक गरेका छन्।

उनका समर्थकहरू समेत अबको नेतृत्व परिवर्तनमा युवालाई अगाडि सार्नुपर्ने माग गर्दै साउदलाई पुनर्वास नगरको नेतृत्वका लागि उपयुक्त उम्मेदवारका रूपमा अगाडि सारिरहेका छन्।

लेखकको बारेमा

पत्र नेपाल

थप आर्टिकलहरु :

• कार्तिक ७, २०८३समाचारसूचनाको हकका लागि राष्ट्रिय महासंघका जिल्ला अधिवेशन कार्तिक मसान्तभित्र, प्रदेश अधिवेशन मंसिर १५ सम्म
• अशोज ३०, २०८३Blogवीरबहादुर थापाद्वारा सुदूरपश्चिम प्रदेशसभा सदस्यबाट राजीनामा
• अशोज २९, २०८३शिक्षा
• अशोज २८, २०८३समाचारमहाकालीमा वेपत्ता सशस्त्रका असई सागरको शव फेला