कञ्चनपुर, भदौ १२ – महाकाली साहित्य संगमको आयोजनामा सुदूरपश्चिमेलीहरूको महान सांस्कृतिक चाड गौरा महोत्सव २०८२ सालको आज भव्य उद्घाटन गरिएको छ। बाजागाजा सहित नगर परिक्रमा गरी भिमदत्त नगरपालिका–५ को खुला मञ्चमा कार्यक्रमको शुभारम्भ गरिएको हो।

उद्घाटन कार्यक्रममा सुदूरपश्चिम प्रदेश सरकारका पूर्व मुख्यमन्त्री राजेन्द्र सिंह रावल, सुदूरपश्चिम प्रज्ञा प्रतिष्ठानका उपकुलपति डा. टि. एन. जोशी, साहित्यकार, संस्कृतिप्रेमी, देउडीया तथा देउडा पारखीहरूको उल्लेख्य उपस्थिति रहेको थियो।

कार्यक्रमलाई सभ्य र भव्य बनाउन बेलौरी नगरपालिकाका शिक्षा शाखा प्रमुख अमित प्रसाद भट्टले महत्वपूर्ण जानकारी प्रदान गर्नुभएको थियो। उहाँले यस पर्वलाई विभिन्न गाजाबाजा, संस्कृति झल्काउने प्रस्तुति, रचनात्मक खेलकुद तथा देउडा गीत–नृत्यका माध्यमबाट मनाइने जानकारी दिनुभयो।

सुदूरपश्चिमेलीहरूको मौलिक संस्कृति झल्काउने गौरा पर्वलाई देवीको प्रतीकका रूपमा मान्ने परम्परा रहेको छ। पुर्ख्यौली संस्कारलाई झल्काउने यो पर्व सुदूरपश्चिमका विभिन्न जिल्लामा विशेष रुपमा मनाइन्छ। नेपाल सरकारले यस पर्वको अवसरमा भदौ १५ गते सार्वजनिक विदा दिने परम्परा रहेको छ।महाकाली साहित्य संगमले गौरा महोत्सवमा सहभागी भई आनन्द लिन सम्पूर्णमा हार्दिक अनुरोध गरेको छ।

लेखकको बारेमा

रामसय राना

सुदूरपश्चिम प्रदेश

थप आर्टिकलहरु :

• साउन १९, २०८३समाचारपुनर्वासबाटै जग्गा खरिद–बिक्री सेवा सुरु, सेवाग्राहीमा बढ्यो खुसी
• भदौ १२, २०८२कलामहाकाली साहित्य संगमद्वारा गौरा महोत्सवको भव्य उद्घाटन
• भदौ ७, २०८२समाचारपरसाका परसौनी गाउँमा अहमदिया समुदायद्वारा सरसफाइ अभियान सम्पन्न
• भदौ ७, २०८२समाचारबेदकोट ताल परिसरमा पत्रकार महासंघको ९औ बैठक, यस्ता छन निर्णय