डडेल्धुरा जिल्ला, नवदुर्गा गाउँपालिका–७ चौडमा आज भएको जीप दुर्घटनामा सोही पालिका वडा नं. ५ का १८ वर्षीय सुरेश साँवद, २३ वर्षीय सुरेश पार्की, ७२ वर्षीया कलावती साँवद र ४० वर्षीया शिक्षिका तारा अवस्थीको घटनास्थलमै ज्यान गएको हो। दुर्घटनामा घाइते भएका अन्यलाई उपचारका लागि धनगढी पठाइएकोमा त्यही क्रममा ५३ वर्षीय गणेश साँवदको पनि निधन भएको छ।

यसैगरी, कैलाली जिल्ला, गोदावरी नगरपालिका–९ शेहरीस्थित खुटिया नदीमा डुबेर धनगढी उपमहानगरपालिका–५ तारानगरका सक्षम जोशी, हसनपुरका प्रतिक चौधरी तथा वडा नं. ४ उत्तरवेहडीका दाजुभाइ जव भण्डारी र जावेज भण्डारीको असामयिक मृत्यु भएको छ। नदीमा डुबेका चारै जना बालकको शव स्थानीय प्रहरीको सहयोगमा बाहिर निकालिएको हो।

यी दुःखद घटनाले मृतकका परिवारजन, साथीभाइ तथा सम्पूर्ण समुदायलाई गहिरो शोकमा डुबाएको छ। जीप दुर्घटनामा घाइते भएका अन्य बिरामीहरुको अवस्था सामान्य रहेको र उनीहरूको उपचार भइरहेको प्रहरीले बताएको छ।

लेखकको बारेमा

दिनेश सार्की

मधेश प्रदेश

थप आर्टिकलहरु :

• भदौ २६, २०८३शिक्षामृतक सदस्यको ४ लाख कर्जा मिनाहा गर्दै नेरुडे मिर्मिरे लघुवित्तको मानवीय पहल
• साउन १९, २०८३शिक्षापुनर्वासका शिक्षा अधिकृत भक्तबहादुर रोकायालाई विदाइ, नगर प्रमुखले ढाका टोपी लगाएर भने– ‘फेरि भेटौँला’
• साउन १, २०८३शिक्षाभजनीमा नेरुडे मिर्मिरे लघुवित्तद्वारा विद्यालयलाई सिलिङ फ्यान सहयोग
• जेष्ठ ३०, २०८३राजनितिराष्ट्रिय स्वतन्त्र पार्टीमा प्रेम एसकेको यात्रा : सदस्यबाट कञ्चनपुर उपसभापति हुँदै प्रदेश कमिटी सदस्यसम्म