बेलौरी, ३ कार्तिक। कञ्चनपुरको बेलौरी नगरपालिका वडा नम्बर ५ को पुष्पलाल सामुदायिक वन क्षेत्रमा हात्तीको आक्रमणबाट सोमबार एक वृद्धको मृत्यु भएको छ।

बेलौरी नगरपालिका वडा नम्बर ३ बस्ने करिब ६५ वर्षीय श्रीप्रसाद आचार्य सोमबार बिहान पुष्पलाल सामुदायिक वन क्षेत्रमा हात्तीको आक्रमणमा परी ज्यान गुमाएको प्रहरीले जनाएको छ। इलाका प्रहरी कार्यालय बेलौरीका इन्चार्ज प्रहरी वरिष्ठ नायब निरीक्षक वीरबहादुर धामीका अनुसार आचार्यको शव बेलौरी–कलुवापुर सडक खण्डबाट करिब सय मिटर भित्र क्षतविक्षत अवस्थामा फेला परेको बताउनुभयो।घटनास्थल नजिकै मृतकको साइकल भेटिएको र शवको पहिचान भई पोष्टमार्टमका लागि श्रीपुर प्राथमिक स्वास्थ्य केन्द्र लगिएको प्रहरीले जनाएको छ।

सो क्षेत्रमा करिब एक महिनादेखि हात्तीको बथान देखा पर्न थालेको वडा नम्बर ५ का निवर्तमान वडाध्यक्ष साइटु कुमार चौधरीले वन क्षेत्रमा हात्ती आतंक बढ्दै गएको बताउनुभयो।

लेखकको बारेमा

पत्र नेपाल

थप आर्टिकलहरु :

• कार्तिक ७, २०८३समाचारसूचनाको हकका लागि राष्ट्रिय महासंघका जिल्ला अधिवेशन कार्तिक मसान्तभित्र, प्रदेश अधिवेशन मंसिर १५ सम्म
• अशोज ३०, २०८३Blogवीरबहादुर थापाद्वारा सुदूरपश्चिम प्रदेशसभा सदस्यबाट राजीनामा
• अशोज २९, २०८३शिक्षा
• अशोज २८, २०८३समाचारमहाकालीमा वेपत्ता सशस्त्रका असई सागरको शव फेला