दलितका लागि दलित एकता अभियान–भारत प्रवासको आयोजनामा एक स्वागत तथा परिचयात्मक कार्यक्रम सम्पन्न भएको छ। उक्त कार्यक्रममा अभियानका केन्द्रीय तथा प्रदेशस्तरीय पदाधिकारी, प्रतिनिधि र अभियन्ताहरूको गरिमामय उपस्थिति रहेको थियो।

कार्यक्रममा केन्द्रीय सचिव आदरणीय दीपक शिलालज्यू, केन्द्रीय सदस्य तथा दिल्ली राज्य इन्चार्ज आदरणीय महेन्द्र बं. सार्की दिल्ली राज्य अध्यक्ष आदरणीय मोहन शिलाल, दिल्ली राज्य उपाध्यक्ष आदरणीय अनिल नेपाली, दिल्ली राज्य आर्थिक विभाग प्रमुख आदरणीय नरेश नेपाली तथा सल्लाहकार आदरणीय शेरबहादुर सार्की लगायत अन्य अभियानकर्मी तथा अभियन्ताहरूको उल्लेखनीय सहभागिता रहेको थियो।

कार्यक्रमका प्रमुख अतिथि बेलौरी नगरपालिकाका उपप्रमुख जोगराम चौधरी रहनु भएको थियो भने विशिष्ट अतिथिका रूपमा पुनर्वास नगरपालिकाका प्रमुख प्रशासकीय अधिकृत गणेश सिङ ऐरी सहभागी हुनु भएको थियो। त्यसैगरी लालझाडी गाउँपालिकाका प्रमुख प्रशासकीय अधिकृत राजबहादुर सार्की, बेलौरी नगरपालिकाका निमित्त प्रशासन शाखा अधिकृत झपीराज ओझा, इन्जिनियर शाखाका शाखा प्रमुख जगदीश जोशी, शिक्षा शाखाका कम्प्युटर अपरेटर अशोक पाण्डे तथा अनलाइन टेलिभिजनका जिल्ला कञ्चनपुर उपाध्यक्ष एवं पत्रकार लालबहादुर एसके लगायतको उपस्थिति रहेको थियो।

कार्यक्रममा भारत प्रवासमा रहेका नेपाली नागरिकहरूले भारतमा बसोबास गर्ने क्रममा तथा नेपाल–भारत सीमा क्षेत्रमा आवतजावत गर्दा भोग्नुपरेका विविध समस्या, चुनौती र कठिनाइबारे आफ्ना अनुभव तथा सुझावहरू प्रस्तुत गरेका थिए।

कार्यक्रमलाई सम्बोधन गर्दै प्रमुख अतिथि उपप्रमुख जोगराम चौधरीले प्रवासी नेपाली दलित समुदायले भोग्दै आएका समस्यालाई गम्भीरतापूर्वक लिइएको बताउँदै कूटनीतिक पहलमार्फत सुदूरपश्चिम प्रदेशका मुख्यमन्त्री तथा सम्बन्धित मन्त्रालयका मन्त्रीहरूसम्म यस विषयमा कुरा राख्ने प्रतिबद्धता व्यक्त गर्नुभयो। उहाँले अभियानको उद्देश्यको प्रशंसा गर्दै सफलताको शुभकामना पनि दिनुभयो।

कार्यक्रममा उपस्थित सबै वक्ताहरूले आ–आफ्नो जिम्मेवारी र भूमिकाअनुसार मन्तव्य राख्दै दलित समुदायको हक, अधिकार, एकता र सशक्तीकरणका लागि अभियानलाई अझ प्रभावकारी रूपमा अघि बढाउनुपर्नेमा जोड दिएका थिए।

लेखकको बारेमा

पत्र नेपाल

थप आर्टिकलहरु :

• कार्तिक ७, २०८३समाचारसूचनाको हकका लागि राष्ट्रिय महासंघका जिल्ला अधिवेशन कार्तिक मसान्तभित्र, प्रदेश अधिवेशन मंसिर १५ सम्म
• अशोज ३०, २०८३Blogवीरबहादुर थापाद्वारा सुदूरपश्चिम प्रदेशसभा सदस्यबाट राजीनामा
• अशोज २९, २०८३शिक्षा
• अशोज २८, २०८३समाचारमहाकालीमा वेपत्ता सशस्त्रका असई सागरको शव फेला