काठमाडौं — रवि लामिछाने विरुद्धको राहदानी दुरुपयोग सम्बन्धी मुद्दा सर्वोच्च अदालत मा पुनः सुनुवाइका लागि पेशीमा चढेको छ। राष्ट्रिय स्वतन्त्र पार्टी (रास्वपा) का सभापति लामिछानेसँग सम्बन्धित उक्त मुद्दा आज सुनुवाइ हुने अपेक्षा गरिएको छ।

सर्वोच्च अदालतका न्यायाधीशद्वय कुमार रेग्मी र मेघराज पोखरेल को इजलासमा रहेको यो मुद्दा आज १२औँ नम्बरमा परेको छ। यसअघि लगातार चार पटक ‘हेर्न नभ्याइने’ सूचीमा परेका कारण सुनुवाइ हुन सकेको थिएन।

मुद्दाको पृष्ठभूमि

यो मुद्दा युवराज पौडेल ले दायर गरेको रिट निवेदनसँग सम्बन्धित हो। उनले लामिछानेले नेपाली र अमेरिकी दुवै राहदानी साथमा राखी प्रयोग गरेको दाबी गर्दै दुई वर्षअघि सर्वोच्चमा रिट दायर गरेका थिए।

रिटमा महान्यायाधिवक्ताको कार्यालय ले लामिछानेविरुद्ध राहदानी दुरुपयोगमा मुद्दा नचलाउने निर्णय कानुनविपरीत रहेको दाबी गरिएको छ। तत्कालीन महान्यायाधिवक्ता दिनमणि पोखरेल ले २०७९ साल चैत ६ गते उक्त मुद्दा नचलाउने निर्णय गरेका थिए, जसलाई चुनौती दिँदै पौडेल सर्वोच्च पुगेका हुन्।

यसअघि सर्वोच्च अदालतले तीन पटकसम्म सम्बन्धित फाइलहरू झिकाउने आदेश दिइसकेको छ। २०७९ चैत २२ गते न्यायाधीश हरिप्रसाद फुयाँल को इजलासले ‘कारण देखाऊ आदेश’ जारी गर्दै महान्यायाधिवक्ताको कार्यालयसँग लिखित जवाफ मागेको थियो।

उक्त प्रक्रियाकै निरन्तरताका रूपमा अब यस मुद्दामा दोहोरो सुनुवाइको तयारी गरिएको हो। अदालतमा आज सुनुवाइ हुने वा पुनः स्थगित हुने भन्ने विषय चासोका साथ हेरिएको

लेखकको बारेमा

पत्र नेपाल

थप आर्टिकलहरु :

• भदौ २०, २०८३समाचारभन्सार छलीका सामान बरामदमा सुदूरपश्चिम प्रदेश प्रहरीको सक्रियता बढ्यो
• भदौ ६, २०८३राजनितिकम्युनिस्ट नेतृत्वकै सरकारमा दलित प्रतिनिधित्व शून्य : समावेशितामाथि गम्भीर प्रश्न
• साउन २३, २०८३समाचारनिर्मला हत्याकाण्डमा तत्तकालिन आईजिपि सर्वोन्द खनालमाथि अनुसन्धान हुनुपर्छ पत्रकार भण्डारी 
• साउन २३, २०८३समाचारनेपाल–भारत आवतजावत गर्ने यात्रुका लागि ठूलो झट्का, गौरीफन्टा नाकामा आधार कार्डबाट प्रवेश बन्द