एमालेद्वारा कञ्चनपुरका तीनवटै निर्वाचन क्षेत्रमा प्रतिनिधि सभा उम्मेदवार टुंगियो

नेपाल कम्युनिस्ट पार्टी (एमाले) ले कञ्चनपुर जिल्लाका तीनवटै प्रतिनिधि सभा निर्वाचन क्षेत्रमा उम्मेदवार टुंगो लगाएको छ। शनिबार बसेको पार्टी सचिवालय बैठकले कञ्चनपुर निर्वाचन क्षेत्र नम्बर १, २ र ३ का उम्मेदवारहरूको नाम अन्तिम रूप दिएको हो।

पार्टी सचिवालय बैठकबाट गरिएको उम्मेदवार छनोटमा संगठनात्मक सन्तुलन, स्थानीय लोकप्रियता, राजनीतिक अनुभव तथा समावेशी प्रतिनिधित्वलाई मुख्य आधार बनाइएको एमालेले जनाएको छ।

कञ्चनपुर निर्वाचन क्षेत्र नम्बर १ बाट उम्मेदवार बनेकी महिला नेतृ कमला बोहरा राजनीतिक क्षमता, शैक्षिक योग्यता र सामाजिक योगदानका कारण पार्टीभित्र मात्र नभई आम नागरिकमाझ पनि लोकप्रिय रहेको बताइएको छ। सामाजिक–सांस्कृतिक चेतना, समावेशी सोच र जनसरोकारका विषयमा निरन्तर सक्रिय रहँदै आउनुभएको बोहराले थारु, दलित, जनजाति लगायत सम्पूर्ण वर्ग समुदायसँग राम्रो सम्बन्ध कायम गर्न सफल भएको एमाले नेताहरूको भनाइ छ।

यसै सन्दर्भमा एमाले कंचनपुर का नेता तथा मुक्ति समाज नेपाल का सुदूरपश्चिम इन्चार्ज तथा दलित अगुवा भारमल सुनार ले कमला बोहराको उम्मेदवारी यस पटक फरक र प्रभावशाली रहेको प्रतिक्रिया दिनुभएको छ। उहाँले भन्नुभयो, “कमला बोहरा राजनीतिक र शैक्षिक दुवै हिसाबले सक्षम महिला नेतृ हुनुहुन्छ। उहाँले कञ्चनपुर क्षेत्र नम्बर १ का थारु, दलित, जनजाति लगायत सबै वर्ग समुदायका लागि उल्लेखनीय योगदान दिनुभएको छ। समाजमा उहाँ उदाहरणीय व्यक्तित्वका रूपमा स्थापित हुनुहुन्छ।”

इन्चार्ज सुनारले स्थानीय जनताले बोहरालाई आत्मसात गर्दै माया गर्ने विश्वास व्यक्त गर्दै यस निर्वाचनमा उहाँको जित सुनिश्चित रहेको दाबीसमेत गर्नुभयो। “जनताको भरोसा र पार्टीको संगठनात्मक शक्ति उहाँको जितको बलियो आधार बनेको छ,” उहाँको भनाइ छ।एमालेले कञ्चनपुरका तीनवटै क्षेत्रमा सशक्त उम्मेदवार अघि सारेर आगामी निर्वाचनमा बलियो उपस्थिति जनाउने तयारी गरेको जनाएको छ।

लेखकको बारेमा

पत्र नेपाल

थप आर्टिकलहरु :

• भदौ २०, २०८३समाचारभन्सार छलीका सामान बरामदमा सुदूरपश्चिम प्रदेश प्रहरीको सक्रियता बढ्यो
• भदौ ६, २०८३राजनितिकम्युनिस्ट नेतृत्वकै सरकारमा दलित प्रतिनिधित्व शून्य : समावेशितामाथि गम्भीर प्रश्न
• साउन २३, २०८३समाचारनिर्मला हत्याकाण्डमा तत्तकालिन आईजिपि सर्वोन्द खनालमाथि अनुसन्धान हुनुपर्छ पत्रकार भण्डारी 
• साउन २३, २०८३समाचारनेपाल–भारत आवतजावत गर्ने यात्रुका लागि ठूलो झट्का, गौरीफन्टा नाकामा आधार कार्डबाट प्रवेश बन्द