उज्यालो नेपाल पार्टी पुनर्वास नगरको अध्यक्षमा अशोक तामाङ सर्वसम्मत चयन

कञ्चनपुर । उज्यालो नेपाल पार्टीको कञ्चनपुर जिल्ला पुनर्वास नगरको प्रथम ऐतिहासिक भेलाबाट अशोक तामाङ नगर अध्यक्ष पदमा सर्वसम्मत चयन हुनुभएको छ।

भेलाले नगर उपाध्यक्षमा ठूलीमाया तामाङ र सचिवमा मुक्ति तामाङसहित विभिन्न पदाधिकारी तथा नगर कमिटीका सदस्यहरू सर्वसम्मत चयन गरेको हो।

सुदूरपश्चिमका युवा नेता तथा उज्यालो नेपाल पार्टीका कञ्चनपुर जिल्ला इन्चार्ज एवं क्षेत्र नम्बर १ का निवर्तमान प्रतिनिधिसभा सदस्य पदका उम्मेदवार माइकल तामाङको अध्यक्षतामा सम्पन्न कार्यक्रममा उहाँ प्रमुख अतिथिसमेत रहनुभएको थियो।

कार्यक्रममा नवनिर्वाचित पदाधिकारी तथा पार्टीका विभिन्न तहमा जिम्मेवारी प्राप्त गरेका नेता तथा कार्यकर्ताहरूलाई बधाई तथा सफल कार्यकालको शुभकामना दिँदै प्रमुख अतिथि माइकल तामाङले आगामी राजनीतिक यात्रामा एकताबद्ध भएर अघि बढ्न आग्रह गर्नुभयो।

आगामी २०८४ सालमा हुने स्थानीय तहको निर्वाचनलाई लक्षित गर्दै आयोजित भेलाले पुनर्वास नगरमा पार्टीको संगठन विस्तार, सुदृढीकरण तथा निर्वाचनको तयारीलाई प्राथमिकतामा राखेको छ।

प्रमुख अतिथि तामाङले सुशासन, पारदर्शिता, समृद्धि र सामाजिक न्यायलाई आत्मसात् गर्दै जनताको अपेक्षाअनुसार काम गर्न नवनिर्वाचित नेतृत्वलाई आग्रह गर्नुभयो। साथै, आपसी एकता, सहकार्य र इमानदारीका साथ संगठनलाई बलियो बनाउन सबै नेता तथा कार्यकर्ता सक्रिय हुनुपर्नेमा जोड दिनुभयो।

नवनिर्वाचित नेतृत्वले आगामी दिनमा पुनर्वास नगरमा पार्टीको संगठनलाई थप प्रभावकारी बनाउँदै जनतामाझ पार्टीका नीति तथा कार्यक्रम पुर्‍याउने प्रतिबद्धता व्यक्त गरेको छ।

लेखकको बारेमा

पत्र नेपाल

थप आर्टिकलहरु :

• कार्तिक १७, २०८३राजनितिउज्यालो नेपाल पार्टी पुनर्वास नगरको अध्यक्षमा अशोक तामाङ सर्वसम्मत चयन
• कार्तिक ७, २०८३समाचारसूचनाको हकका लागि राष्ट्रिय महासंघका जिल्ला अधिवेशन कार्तिक मसान्तभित्र, प्रदेश अधिवेशन मंसिर १५ सम्म
• अशोज ३०, २०८३Blogवीरबहादुर थापाद्वारा सुदूरपश्चिम प्रदेशसभा सदस्यबाट राजीनामा
• अशोज २९, २०८३शिक्षा